2017年的願望．知識的寶庫

2017年的願望是可以像以下的相片一樣

被仔仔帶領我走進知識的寶庫，

其實越來越多時間是他在教我，好似黃蜂叫Wasp.

我真是聽都未聽過，慚愧。

 

仔仔已經有大把書睇，

兒童冬季增高計劃

 

孩子定律

間唔中個仔都會發脾氣會流淚

我又諗到：every coin has two sides

孩子定律：孩子永遠是孩子，丈夫也是孩子

堅持己見有時係好，但有時卻令人十分討厭

岩岩又俾我見到依句，孩子始終都係孩子，有孩子氣也很正常
我其實也是一個孩子，哈。

 

link: http://themamadaily.com/doc150356/1569

數學書：Murderous Maths

同學話睇完，個仔又話要睇

買完一睇，第一句：嘩！好多字呀。

佢以為係Maths書會少英文字

然後居然有膽量開始睇，

第一次募帖

個仔自己親自去揀紙，決定買宣紙，自己完成第一次募帖

修正性格缺點（二）面對失敗

今日在Instagram看到朋友的女兒在玩智力解謎遊戲完成不了而哭泣，令我第一時間諗起小兒。

似乎小朋友都是一樣，與生俱來都有一個必勝嘅思想，解決不了輸了便會

灰心．失望．哭泣

我曾經用咗好多方法希望解決，例如講道理、一齊面對、Timeout TimeLimit....

通通失效

但

寫字醜樣的問題－續－提升

估唔到字醜既問題搞左約2個月仲未完結，總結下我觀察到既野：
(練習重複一版英文無變過)

1/ 時間由6分鐘左右進步到3分鐘左右，即係寫字快左一倍
2/ 英文字一時靚一時醜，即係唔穩定
3/ 中文出奇地靚左，即正整了
4/ 共十行字，剛開始寫第2行字話手酸痛到後期第9行或完全不攰，即小肌肉成長了
5/ 開始失去動力，即唔好玩了

所以我決定進入第二階段既遊戲，

聖誕禮物

Secret Santa 收既聖誕禮物(from 同學)

 

老師送既聖誕禮物
 

中文太弱．續

尋日諗好2個方法去幫助個仔改善中文

即刻搵個仔傾一傾先，講左一大輪之後，個仔終於同意左我寫日記既建議。
不過，留返少少空間比佢：
1／新嘅日記由 2017年1月1日開始（之前已經鋪排好，送咗本2017年嘅日記俾佢）
2／唔一定要日日寫
3／可以只寫一行
4／寫唔

中文太弱

每次學校功課寫週記，英文一啲問題都冇，好快寫好一版，就算唔識寫嘅字，個仔都可以用拼音拼出來。可惜一到中文週記，寫一行字停數次，又唔識呢個字又唔識個個字。一陣又話諗唔到點寫，如果唔理佢，用兩個小時可以只寫了兩行，極度痛苦。

坐低一齊講一次點寫，其實效果不大，轉頭開始一寫又問我一次點樣寫。

我只諗到兩樣野可以做

你的能力就是你最常相處五人中的平均數

TEDx

https://youtu.be/FRAC08bfI30

"You are the average of the 5 people you spend the most time with" Jim Rohn

其實，孟母三遷都係同一原理，身邊嘅人就係影響自己最大，但係你自己嘅選擇係最重要，到底你會選擇同乜嘢人一齊做啲乜嘢？

 

面試3rd round．自我評估

最近個仔學校第三次面試，令我諗起兩年前同一時間阿仔都係喺度面試，而咁啱我又係出咗trip，陪唔到個仔對面試，只有老婆孤身作戰。

一到面試，就會有朋友打電話來詢問面試啲嘢，我又聽老婆分享多一次。

第三round，佢話面試係副校長，

忙碌．書蟲

從日本回香港後十分忙碌，連個仔讀書考試所有野都唔得閒理會。

有點擔心會越來越忙，希望在個仔小學期間可以抽多一點時間陪伴幫助他，也花時間盡量記錄低。

吃晚飯洗澡出黎後，居然俾我看見從不看英文書既老婆，津津有味咁追看著阿仔既書，
真的嚇我一跳，
估唔到

阿仔幫我執行李

去日本四日，全靠個仔幫我執行李，
又有膠布、又有枇杷膏、又有紙巾、
最重要係執左兩本書俾我，
叫我上機睇，
佢執完晒，仲坐喺度幫我諗，
到底仲差啲乜嘢，比我還緊張，
實在令人感動，多謝你囝囝。

今次冇得陪你溫書，只有媽媽陪你溫，

希望你嚟緊個考試就順順利利，加油！

提升孩子觀察力

自從個仔k3開始，為了考小學又好或者是我個人喜好也好，我特別喜歡考佢對每件事情既觀察力。

首先從物件開始，我會叫佢形容一下俾我聽，聽完後，我會叫佢用五官(眼耳口鼻手)既感覺＋每一個細節位出形容給我聽。如果有故事或歷史，我也希望佢可以細說出來。

然後開始廣大到一件事，

講下IB對小朋友既要求

因為CKY學校最後要考IB, 所以要早點硏究下個遊戲方式。

其實我發現了解IB課程究竟需要學點什麼，其實已經大約知道學校收生要求，知道小朋友適唔適合。開始明白點解啲同學仔既類型好似，又明白某些類型既小朋友特別適合IB, 因為適合才會高分學得好。

International Baccalaureate Diploma Program

可供

由寂寂無名的村校到名校CKY

正如之前所講，只諗住俾個仔就近而讀，所以幼稚園只選擇屋企附近的村校，亦都無諗過，讀書要俾錢讀而唔享受政府嘅免費教育。而入名校最令人擔心嘅就係同學太勁搞到壓力太大，太有錢嘅同學會不斷比較，物非所值，有錢應該留返將來小朋友有需要出國留學時用。

首先係心態嘅改變研究點解要讀所謂名校，然後就諗下點樣幫助自己既小朋友去適應，所以就開始寫這個blog。決定咗就慢慢解決所有嘅問題，不斷研究是否物有所值，金錢嘅價值觀，學校到底是不是真的適合自己的小朋友等等。

其實每個父母都希望小朋友將來可以做自己有興趣開心快樂的事或工作，所以培養佢有能力選擇自己將來嘅路係最重要，掌握學習嘅能力比其他更重要。

每當我工作完放工回家的時候，見到兒子自己已把功課做完，自己在看書，看報紙，自學數學，自己搵想要的資料，見到佢熱愛學習的樣子，就覺得自己條路走對了，只要在這條路上不斷修正，就會更加完善。

自己由細到大係讀本地學校，眼見其實有很多老師是有心，但唔識教，十分可惜。
所以揀岩學校十分重要。

仍然記得自己細個小學嘅時候，上堂嘅時候成日發緊白日夢，唔記得究竟係自己唔明白定或者老師講嘢太悶，反正成個小學嘅時間成績都非常之差， 成日拎零雞蛋，偷偷地冒簽名被發現，被打得半死。直至初中，遇到好老師先開始努力讀書，最後仲有機會大學畢業。

小朋友嘅讀書根本是唔會諗咁多，反正自己細個都係咁，咪又係咁樣長大。

又因為十二年免費教育，根本唔會諗比小朋友讀國際學校或者私立學校，有唔使錢讀書嘅福利唔用，自己一年比幾萬蚊或者十幾萬比小朋友去讀，簡直係天方夜譚，以前讀一年大學都係幾萬蚊，有乜理由讀小學中學都咁貴。又或者留返啲錢供小朋友去外國留學仲好。

但慢慢你會發現，依家好多知識雖然可以自己去學，但係都係用英文寫，你要同人溝通，學好英文同普通話十分重要，你要多選擇去追夢，首先你要有能力選擇。

慢慢你又會發現，依家好多工作，尤其是一啲好嘅工作，都唔會公開請人，有好多都係by invitation, by referral。慢慢你又會發現，就算你要創業，有機會你好需要有能力嘅隊友一齊作戰，你睇Elon Musk、Steve Jobs，成功與否有時其中一個因素，可能係睇下你有乜嘢朋友。當然自己都可以獨戰，這些未必最重要的。

但慢慢你更加會發現，影響小朋友最大，可能係學校可能係老師可能係家長，但其實係佢啲同學同朋友。有一次個仔同我話好想玩pokemon, 我問佢你點解會知？佢話佢幼稚園啲朋友同佢講pokemon好好玩，所以佢好想玩。另一次，個仔小一嘅時候，某一個月份，我每天放工回家，都見到個仔揸住本書好開心咁閱讀，我問佢有乜咁好睇，佢話佢其中一個同學介紹真係好好睇，果次係個仔第一次開始睇chapter book，我做咗個實驗，特登係佢隔離打機，佢居然唔理我繼續睇書。所以證明左同輩影響力嘅威力。

所以就會開始
諗，錢係唔係應該用係啲有價值嘅地方。

又要成日提醒返點解要寫依個Blog

我最希望寫低目的，就是不停提醒自己，唔好忘記，除左金錢以外，多關心自己小朋友，學習及性格等培養，希望教育小孩比自己更加出色，同自己也可以一同學習。

人地話，小朋友出生是人生第二個學習機會既開始，希望我地可以一同成長及回憶。

原本在我眼中，小兒是一個好多缺點的男孩，膽小怕羞、被動、情緒化、坐唔定、專注力不足嘅男仔。但慢慢發現進步，慢慢發現起步狀態雖然重要，但每日做啲乜嘢，同乜嘢人一齊更加有決定性影響，希望佢係人生長跑中，欣賞沿途風景，有足夠能力應付不同挑戰。

個仔

Education system

Education should not be like this...

運動編排

早前叫個仔排一排名他喜愛既運動，好讓我更加了解及編排

首先聽佢講，
根據佢嘅排名如下(10分滿分)
1. 網球 10分
2. 足球 9分
3. 跆拳道 6分
4. 羽毛球 4分
5. 游水 0分

然後再觀察了解，
首先

閱讀派．操練派．選擇學校

以我所見，學習主要分為閲讀派和操練派

操練派：顧名思義，學習以操練和補習為主，用機械式嘅操練、補習或背誦方式鞏固知識

操練最大的功能是獲取高分。操練最大嘅優點係提升短期嘅記憶力以獲取短暫成績嘅提升，對小朋友初小時期成績或排名異常有效，缺點係

與孩子對話．壞同學

呢度記錄一下我同個仔關於壞同學嘅對話

首先講下點解要同個仔講呢個話題，話說個仔約三至四歲嘅時候，有一日同佢去圖書館，我同佢每人攞咗本書，搵左個位坐低。睇咗一陣，有一個大約五歲嘅小朋友走過嚟，行過我哋睇書嘅地方，踩左我個仔隻腳一下，唔知有意定無意，我見佢望左我個仔一下，就行走咗，當時我個仔冇俾任何反應。本來件事應該就咁完左，點知，

悔過書

首先表明立場，我好唔明點解會有悔過書呢樣野出現。

我亦都好憎要悔過，做乜事啫，做錯咪做錯，做錯已經唔開心仲要寫悔過書。

今日我第一次聽悔過書呢樣嘢係小朋友出現。

話說，朋友個女入左女拔小一，

Trial and Error既遊戲

我覺得人生應該係不斷咁嘗試同失敗中成長。

如果一份計劃有3樣野：Vision, Strategy and Tactics

Tactics上我會盡量唔參與，就算有條小路我知道行唔到，我會睇住佢行到倔頭路而行返轉頭。一件小事我只會等錯左幾次先會出聲，通常錯幾次都發現唔到總會有佢錯嘅理由，或者係我睇錯。

Strategy我會

學校功課

其實我絕少參與小兒功課，也希望唔需要參與太hands-on，始終功課用途係複習上堂學過嘅野。

而我最想小朋友明白，首先做功課係自己嘅責任，做得好唔好，有冇做錯，並唔係做功課嘅重點，重點係做功課嘅過程，都係由頭到尾自己親力親為地做。對於自己唔識寫嘅字，我通常都會叫佢，英文用phonics時拼出嚟，

學習紀錄．好奇心了解自己及金錢觀

記錄低今天學左D乜：

1. 人出世好公平，大腦神經元大家一樣咁多，每學習或接觸新事物，神經元之間就會多一個連結，到約8至10歲，神經元網絡成熟，開始切斷不需要的連結，好多模式慢慢形成同固定。

2. 3歲之前，應該不斷嘗試同接觸新事物，增加神經元連結的數目，幫助將來發展。

3. 令小朋友有自信，

日本血型性格分析

昨天睇完一段Youtube影片，算自己孤陋寡聞，第一次聽聽血型性格分析，以前都有用很多時間硏究星座分析、紫微斗數、手相面相學對命運性格既影響，可能都係集中於中式西式硏究，而這理論是日本人比較重視的。

對於這些硏究分析，我會歸納為統計學，可以作為參考資料。

影片：https://youtu.be/S7nr8Wp7Z_U
名為幼兒血型實驗。

自律做功課同執書包

諗返岩岩升小學既時候，因為突然間多左好多功課（其實只係多左1-2人份），老婆就大為緊張。佢返到屋企，見個仔未做完D功課，就會興師問罪，做乜搞咁bababa😂，然後就會講啲字咁核突，結果可想而知，一個擦擦擦，一個喊喊喊，然後好辛苦咁做晒書包都未執左去瞓覺。如是者，我靜靜咁睇左一個禮拜😂，靜觀其變。

結果係

聽個仔讀書

最近每天都聽個仔讀一本中文故事書，到了2年級，他只可以用普通話讀。

 

然後今天他讀多了一本英文書，十分喜歡他讀英文書，讀得十分好聽，希望他普通話下年可以讀得像英文一樣好聽。

 

 

語言學習和順勢

見到有D關於學習語言既資料十分有趣，特別記錄於此。

圖中係世界語言既使用人口，第一件事就係睇大細，好明顯係Chinese，而中文總人口為1197(用million為單位），其中848係用Mandarin普通話。

第二件事就係係經濟體系既大小，圖好大都唔夠錢多重要，雖然English英文只有335，但

寫字醜樣的問題－續－樽頸

原本諗住寫字醜樣的問題可以告一段落，讓我可以留心其他事，寫下其他野，點知原來一用比賽或競爭，會產生另一種副作用，樽頸位既失落。

好似運動員咁，一開始練習，踏上第一個蜜月期，做任何事都進步神速，慢慢走到另一階段，遇到自己嘅樽頸位，

群體活動

雖然今早有少少雨，但都同個仔返學校踢波，每星期六上午踢波，下午基督少年軍，成為佢每個禮拜嘅群體活動。

我堅持仔仔一定要參加最少一種群體體育，如足球、籃球等。學會Teamwork固然重要，但細細個開始就應該要感受下，什麼是一齊勝利，一齊失敗既感覺。世界上

Leap Years

This one really impressed me, so just record the semi-finished paper here.

仔仔利是食飯基金

老婆講起食飯，突然想寫低之前處理個仔新年利是既野。

話說有一次老婆同我講阿仔既利是錢都有2萬幾蚊，問我定期好唔好。
果時匯豐銀行岩岩跌穿左＄50蚊，2萬幾蚊岩岩入到一手匯豐股票，年利率8厘。
然後我就叫老婆買入一手匯豐，成立了一個仔仔利是食飯基金，

寫字醜樣的問題－續

上次寫到令阿仔好開心咁開始練習寫字，玩寫字呢個計時遊戲，研究下寫字可以越寫越快。

但事實上，寫咗兩日，阿仔開始唔記得咗要寫，可能又唔想寫。
然後我就走去問佢點解冇寫，佢答我寫字好攰，我諗一諗，話我同佢玩另一個遊戲，
就係同我鬥快，我見佢平均用6分鐘去寫完一版，咁我係佢面前開始計時，睇吓我可以寫幾耐可以寫完，結果我用左3分零9秒。

然後我同佢講，

voicetube學英文

最近發現左voicetube既apps，既可以學英文學好發音，仲可以幫手filter 一D好既youtube片俾個仔睇。

主要希望學好發音，睇左很多人硏究，都係話shadowing跟讀既方法最好，跟讀可以用聽歌跟唱，又或者最好用既apps就係voicetube

寧做大塘小魚

寫得幾好記低先，我好同意，就算俾小朋友不停第一，大個左只可能係井底之蛙。

印度數學乘法

記錄印度數學：簡單乘法

- 9的乘法
9可以用雙手幫助記. 左右手打開,
9x1=9就係左手尾指收埋, 有9隻手指淨返.
9x2=18就只係左手無明指收埋, 淨返1同8隻手指.
9x3=27就只係左手中指收埋, 淨返2同7隻手指.
如此類推
9x8=72就只係右手中指收埋, 淨返7同2隻手指.
9x9=81就只係右手無明指收埋, 淨返8同1隻手指.
例子：

這個有youtube睇：

寫字醜樣的問題

個仔寫字嘅問題一直困擾着我們兩公婆，他已經成為了全班有可能是全校寫字最醜樣的學生，其實醜樣都唔緊要，問題係有時真係完全睇唔清楚佢寫什麼。

我一直懷疑係幼稚園時寫字太少，佢讀幼稚園嘅時候真係好鬼開心，字都唔使寫多隻，搞到依家寫多兩隻字已經話好攰唔想寫冇心機，

小朋友和大朋友的適應期

雖然阿仔今年第二年返學，但係已經經歷過幾次適應期，適應期唔單只小朋友而且還有家長。

第一年剛剛開學，有一間全廣東話教學既幼稚園，轉換到差唔多全英文教學嘅小學，我見到佢真係好辛苦，我諗佢用咗大約三個月時間去適應英文環境嘅學校，好彩學校第一年可以比小朋友有一日時間用英文，另一日用廣東話溝通，中文也是用廣東話教學，等佢容易啲適應學校。

然後，輪到數學，

從遊戲中學習

從遊戲中學習係我最鍾意嘅學習方式

我記得我讀小學的時候，上堂成日夢遊唔知做緊啲乜，已經唔記得老師講過啲乜，點解會咁，覺得應該係上堂太悶，所以悶係會令人浪費晒啲時間，之後我阿媽又叫我去補習，上堂悶到夢遊，放學先要去補習真係好鬼慘。

然後到我個仔學校CKY第一年家長觀課日，

修正性格缺點（一）

其實學術只要令小朋友自己鐘意睇書，已經成功左一半，應該用多點時間硏究性格缺點。

以前個仔比較重要缺點有：

1／平時屋企大大聲，出到去就怕怕羞
2／平時玩就多野講，正經問佢野就一句起二句止
3／打機就好專心，做野就三分鐘熱度，專注力極低
4／愛發脾氣
5／無論講說話或做野，一諗到就馬上要做，毫無條理
6／開始咗玩就唔想停，失去時間觀念
7／唔願意嘗試
8／玩遊戲一定要贏，唔接受失敗
9／過分依賴
10／膽小怕事，唔識保護自己

其實好

記錄阿仔讀緊既英文叢書

記錄阿仔讀緊既英文叢書，唔計單一書，因為學校實在有太多書讀

都想講返阿仔同一般男仔一樣，只鐘意打波，打機，細個幼稚園為左叫佢讀某D書，要讀完書後奬佢打機，宜家己經唔洗咁，完全係因為佢同學既影響，我一D都影響唔到佢，因為我都唔鐘意睇書的。

佢既最愛都係My weird school series. 可以用廢寢忘餐黎形容佢對套書既熱愛。

K2面試後嘅體會

小一面試班？No Way la. 要教梗係自己教啦，記錄返由幼稚園升小學前嘅準備先：

其實考小一競爭真係好激烈，戰前的計劃同準備相當重要，孫子兵法都有教啦，知已知彼，百戰不殆。

於是K2時幫個仔報咗間名幼面試，諗住K3可以用名幼做踏腳石，而搵到一間好嘅小學。
同場有個小朋友好利害，用緊流利英文、普通話同廣東話同緊佢媽咪喺度傾計，睇到O晒咀，依家啲人咁細個就咁犀利。好啦輪到我地，過咗老師果關，然後到校長面談，最後當然失敗左。

總結有兩點失誤（唔計學術）：
1/ 校長

成立教育基金

記低返成立教育基金啲嘢先

當初成立教育基金嘅目的，只係想應付自己個父母，其實好多人都唔明白有12年免費教育既福利唔用，要自己去俾去錢讀私立學校、或者國際學校、或者供小朋友外國讀書，不如專心儲錢留返間樓或者資產比佢哋，我其實一啲都唔同意。

如果免費教育真係咁好咁當然就梗係免費啦，無啦啦俾錢多舊魚咩。就係呢邊唔使錢，嗰邊我仲要俾錢俾小朋友補習英文，其實條數都係度，補習最多一個禮拜補一兩次每次一個鐘，其實效果極低。

辛苦搵錢，都想啲錢用得其所，物有所值。

其實

記錄學好數學嘅技巧

之前讀大學嘅時間幫助一個中三嘅男仔補習數學，到學期完結，他的成績由尾二考到頭第二名，最後高中順利入到精英班，所以我覺得男仔都有數學嘅天份。

根據經驗所得，學數學應該可以分為兩個模式。

第一個模式係一啲短暫嘅操練，可以短時間教授一啲技巧令分數可以即時上升，但係唔持久。

第二

記錄數學

記錄數學：多得印度數學嘅幫助，小兒可以免除機械性背誦乘數表，可以自己做晒9X9𥚃嘅數學題目，佢同我講好鍾意數學，所以我教佢到khanacademy網站自己學.

WIKi寫：可汗學院（英語：Khan Academy）是由孟加拉裔美國人，麻省理工學院及哈佛大學商學院畢業生薩爾曼·可汗在2006年創立

現在社會的要求

最近同不同同事出街見客同食飯，記錄低

新同事A，我問佢而家公司面試考啲乜嘢題目，佢話其中一日嘅面試，俾左4個case study佢，每個case study俾佢時間比去準備然後做一個presentation，佢分享左其中一個case，內容係一間公司，有公司背景同埋大量生意數據，可以見到生意好唔穩定同有下跌嘅危機， Presentation嘅要求係要篩選啲數據然後分析，令到報告出嚟嘅結果係盆生意仍然好有前景，同埋有激勵性。

同事B，

心態的改變

原本在我眼中，小兒是一個好多缺點的男孩，膽小怕羞、被動、情緒化嘅男仔，所以選擇幼稚園嘅時候，揀咗一間有宗教背景嘅比佢，老師比較有愛心，只係簡單希望佢快樂咁成長，諗住小學嘅時候都係家裏附近小學讀，相信小朋友將來愛讀書自然會讀上去好似自己成長路一樣。

但是慢慢發現在教導兒子時，可以通過一啲方法去改善小朋友嘅缺點，通過一啲方法改善小朋友嘅讀書興趣。

每個父母都希望小朋友將來可以做自己有興趣開心快樂的事或工作，所以培養佢有能力選擇自己將來嘅路係最重要，掌握學習嘅能力比其他更重要。

每當我工作完放工回家的時候，見到兒子自己已把功課做完，自己在看書，看報紙，自學數學，自己搵想要的資料，見到佢熱愛學習的樣子，就覺得自己條路走對了，只要在這條路上不斷修正，就會更加完善。

一個小故事，教育改變人生：

我家，有我和我細佬2兄弟，我讀書比較勤力，公開試都唔低份，可順利入讀香港嘅大學。而我嘅細佬剛剛相反，雖然有點小聰明，但比較懶散，愛打機同玩樂，咁當然考公開試就失敗左。
那時屋企有兩個不同嘅聲音及意見：爸爸覺得讀書不太重要，反對細佬繼續讀書，應該學返一技之長傍身，讀唔到書就唔好浪費時間，早啲出嚟社會做嘢；至於媽媽十分贊成繼續讀上去，但係沒有意見如何繼續升學。

最後細佬為咗可以繼續讀書，搵咗好多不同嘅資料，最後決定到外國升學。

咁結果係乜呢：第一份工，因為外國升學嘅緣故，有個外籍老細請了他，因為容易了解，同聲同氣。第二份工就係第一份工老細介紹的，現在已經係那公司的CFO。他的老婆也是留學認識的，現在有兩個小朋友，家住自購四房單位。

如果當時選擇留香港，跟爸爸意見學一技之長，現在會是怎麼樣呢？

開個BLOG記錄下小兒學習D野

將呢篇間中update下，反正人會變諗嘢都會變

這就是我現在的想法，希望它可以給將來的我帶來鼓勵，去嘗試變成更好的父親。因為我們的孩子是我們最珍貴的東西，他們是我們未來的希望。讓我們一起去培養他們成為優秀的人。

大學時代也有寫下BLOG，人大了，有太多太多事做，寫野差唔多己經被遺忘。

今年訂了二個目標俾自己，己完成一個：SETUP一個小兒的教育基金，雖然做得未咁滿意，但總叫完成了，但可以將來慢慢修改。

第二個目標，build second leg，雖然未有idea，但希望寫下野，搵到條路。

言歸正傳，小兒現在己經是小二了，只想記錄返佢D野，等自己唔會忘記左，同自己研究過既野，希望D研究可以進一步幫到佢學習成長。

幼稚園同小一嗰陣時好緊張個仔學校啲嘢，一到小二就開始越來越少理會，寫下野等自己關心下多啲個仔，我發覺越嚟越重要，依家睇返已經錯過咗某啲嘢，越唔理會就越錯過得更多。再提醒自己呢個係寫這個blog嘅重點。

寫返D背景先：
幼稚兒讀全日制學校－N1-K3 基督教屋企附近嘅中文幼兒學校
現在讀小學－Y1-Y2now 保良局蔡繼有學校 (PLYCKY)

原本諗住俾小兒就近而讀，到K2尾時改變左諗法，自此研究