小朋友和大朋友的適應期

雖然阿仔今年第二年返學，但係已經經歷過幾次適應期，適應期唔單只小朋友而且還有家長。

第一年剛剛開學，有一間全廣東話教學既幼稚園，轉換到差唔多全英文教學嘅小學，我見到佢真係好辛苦，我諗佢用咗大約三個月時間去適應英文環境嘅學校，好彩學校第一年可以比小朋友有一日時間用英文，另一日用廣東話溝通，中文也是用廣東話教學，等佢容易啲適應學校。

然後，輪到數學，
開學不久，學校就有一個quick maths，玩法係做加數，限定時間： 2分鐘做40題，其實都幾震撼，最估唔到嘅係，佢嗰班入邊有三份一同學可以做晒40題。我冇特別訓練個仔，不過平時有同佢玩開加減遊戲，佢10次有六七次做得晒。其實2分鐘時間真係冇時間諗，淨係照抄都夠鐘啦，其實我覺得好驚訝。不過比小朋友一個挑戰，都未嘗唔係一件好事。

挑戰一樣接一樣，然後開始做project，又諗題目，諗問題4W and 1H，中間居然有一張time management，好似大學做project咁，然後做presentation，犀利。最令我讚賞的是，除了這份individual project外，仲有一份group project，2個小朋友分工完成的projects。

到今年，新嘅挑戰又開始，所有中文科教嘅科目又廣東話轉晒普通話教，第一個禮拜我見到個仔超級攰，我估佢上堂聽得好辛苦，過咗兩個月嘅今日，我睇到佢已經適應得好好。

然後又輪到數學， 1分鐘做20題數學乘法，乘數表都未教， 係這分鐘入邊佢話20題大約做到15-16題，而我最好奇其他同學會做成點，有時間問吓佢先。