寫字醜樣的問題－續－樽頸

原本諗住寫字醜樣的問題可以告一段落，讓我可以留心其他事，寫下其他野，點知原來一用比賽或競爭，會產生另一種副作用，樽頸位既失落。

好似運動員咁，一開始練習，踏上第一個蜜月期，做任何事都進步神速，慢慢走到另一階段，遇到自己嘅樽頸位，
開始進步唔到。

上次寫到個仔練字由6分幾鐘快速地進步到3分鐘41秒完成一頁，然後第一次退步到4分05秒，我見佢眼濕濕好唔開心，當然鼓勵下佢加油，但連續幾日都係4分鐘以上，最差去到4分30秒左右。眼見佢好失望，又破唔到我3分9秒既紀錄，我決定做2件事。

第一件，同佢比賽多一次，結果我2分59秒，佢4份06秒，然後我用問題既方式，令佢進入我預期既第二件事。

第二件，幫佢分析比賽結果，令佢可以明白我同佢差別。我再問佢乜嘢時間攰，佢答我寫了一半開始就手酸軟，而我話俾佢知爸爸大約完成一整頁才倦。我問佢知唔知點解會有這樣分別，而這個分別如何解決？

當然佢好明白個分別來自－練習。

然後明白完要知道如何練習，首先，佢要明白要寫快一頁，唔係練習一頁，最少要練習二頁。第二，要進行針對性練習，練好最多出現既字母：a、e、i、o、u，佢唔洗我講完已經知道。

最後，我希望佢自己明白最最重要既野而我又無講佢知：

就係be focus. 專注。