學校功課

其實我絕少參與小兒功課，也希望唔需要參與太hands-on，始終功課用途係複習上堂學過嘅野。

而我最想小朋友明白，首先做功課係自己嘅責任，做得好唔好，有冇做錯，並唔係做功課嘅重點，重點係做功課嘅過程，都係由頭到尾自己親力親為地做。對於自己唔識寫嘅字，我通常都會叫佢，英文用phonics時拼出嚟，
中文最好用字典，如果唔得去Google用口問，最後先問我哋。

所以而家間唔中睇返佢啲功課都有啲驚喜，錯文法錯字嗰啲成日有(啲字一向都咁醜，經過練寫嘅努力之下，反而最近靚咗少少)，最重要係老師都唔介意👍🏻，我覺得咁樣好重要，尤其是有啲功課其實淨係睇內容創意。

另外，今日聽個仔讀書，本書好正，記錄低先，估唔到個仔睇書，我又迫住一齊睇，自己一定唔會咁勤力。