閱讀派．操練派．選擇學校

以我所見，學習主要分為閲讀派和操練派

操練派：顧名思義，學習以操練和補習為主，用機械式嘅操練、補習或背誦方式鞏固知識

操練最大的功能是獲取高分。操練最大嘅優點係提升短期嘅記憶力以獲取短暫成績嘅提升，對小朋友初小時期成績或排名異常有效，缺點係
唔會提升學術水平，只所鞏固知識。

補習嘅目的同操練原理一樣，對答題技巧考試要點作出進一步嘅分析提升。補習最大嘅優點，針對考試嘅內容同技巧學習，用短時間獲取好成績，雖可提升一定學術水平，但缺點係影響正常學校上堂學習興趣，失去自主學習的能力。

背誦嘅目的，主要係將短暫記憶轉化為長期記憶。只要背誦內容係經典名著，的確係對學習和提升學術水平有好大好處，重點係要懂得選擇同取捨，缺點係對背誦過嘅內容會根深蒂固，影響將來嘅創新能力。

閱讀派：好簡單，只係大量地閱讀不同嘅書籍。依家越來越多人發現大量閱讀嘅好處，所以閱讀派有越來越多嘅支持者。優點唔多講，缺點係成效比較慢，容易被其他誘惑吸引，影響長期操作。

唔同嘅時間唔同嘅情況應該用唔同嘅技巧同方式去處理，好難一概而論，不過唔同嘅學派會影響選擇不同既類型學校。

操練派可以選擇傳統嘅學校，但閱讀派需要選擇功課少既學校，因為大量嘅功課會影響執行大量閱讀嘅時間，同時需要少測驗考試，因為測驗考試會增加兒童溫書嘅時間，最好沒有考試排名，因為希望排名上升，會影響閱讀課外書嘅時間和興趣。


我一向覺得應減少兒童的溫習時間，溫習是一種高投入、低回報的活動，對提升學術水平沒有幫助，經常發現考試後把所有讀過既內容徹底忘記就係最佳嘅證明。增加其他更有用的活動，長期而言，對子女的學術水平個人成長會有更大既幫助。

每個人一日二十四小時人人平等。

點樣分配時間，日積月累，其實可以完全改變人生。