背英文詩

其實今個禮拜係考試週，今日係考試嘅最後一日，諗住返到屋企會見到個仔喺度玩，點知佢喺度背緊英文詩，嚇我一跳。

其實日日返到屋企都會見到個仔喺度玩緊，考試週可以係屋企玩唔使溫書，聽落簡直天方夜譚，偏偏就係出現係我哋屋企，其實我都希望每一次測驗考試佢都可以開開心心咁玩，成績又唔使我哋擔心。

好，言歸正傳，係我嚇咗一跳嘅時候，
個仔繼續講「爸爸我背緊英文詩呀」
我問佢「點解你可以背得咁開心？」
個仔答「因為我研究到可以遊戲讀書法，一邊玩遊戲一邊背詩」

好嘢，讀書讀得咁開心，爸爸真係服左你👍🏻