K2面試後嘅體會

小一面試班？No Way la. 要教梗係自己教啦，記錄返由幼稚園升小學前嘅準備先：

其實考小一競爭真係好激烈，戰前的計劃同準備相當重要，孫子兵法都有教啦，知已知彼，百戰不殆。

於是K2時幫個仔報咗間名幼面試，諗住K3可以用名幼做踏腳石，而搵到一間好嘅小學。
同場有個小朋友好利害，用緊流利英文、普通話同廣東話同緊佢媽咪喺度傾計，睇到O晒咀，依家啲人咁細個就咁犀利。好啦輪到我地，過咗老師果關，然後到校長面談，最後當然失敗左。

總結有兩點失誤（唔計學術）：
1/ 校長
室個設計好特別，佢面前有兩張旋轉櫈加一張唔識轉嘅摺櫈，我哋由得個仔先選擇，佢自然選擇旋轉櫈，成個面試過程個仔不停咁轉，當然我哋叫佢停止佢係唔會聽，咁樣面試一定冇好結果。

2/ 校長問我地兩公婆諗住點樣培養個小朋友，我哋嗰時年少無知，居然答左佢，其實無乜所謂，諗住近近地好少少既小學，依個時候，我見校長既面色有D變左，佢同我地出左佢既門口，就同另一個家長傾名校小學D野。
果時，我終於明白出名幼稚園既收生最重要既要求，就係要收會投資入出名小學既家長，只要大量收這種學生既家長，計機會率，十個中幾個，自然出黎派位成績就會十分亮麗，進入良好既循環。

任何事情，只要知道事情背後的原因或規律，就會事倍功半。