學習紀錄．好奇心了解自己及金錢觀

記錄低今天學左D乜：

1. 人出世好公平，大腦神經元大家一樣咁多，每學習或接觸新事物，神經元之間就會多一個連結，到約8至10歲，神經元網絡成熟，開始切斷不需要的連結，好多模式慢慢形成同固定。

2. 3歲之前，應該不斷嘗試同接觸新事物，增加神經元連結的數目，幫助將來發展。

3. 令小朋友有自信，
相信的自己的能力

4. 不用比較，每個人都有自己的強項，叻既地方

5. 了解自己，學習請教他人成功地方，尊重他人

6. 鼓勵小朋友學習發問及好奇之心

7. 金錢並唔可以令人開心，快樂來源並不是來自財富

8. 說謊與愛的教育

仲有好多，其他唔寫啦，

第一是好奇及發問之心，人越大越有自己的睇法，並不容易去作出改變。為有保持好奇之心，其實好難，講就容易做到。

第二個係覺得自己過份重要及聰明，並唔係真正了解自己，令到結果係低估其他人的聰明及努力，失去對其他人興趣及學習他人長處既機會。

不應過份低估及高估他人是十分重要。

最後係金錢，到宜家為此，自己都覺得金錢是十分重要，尤其是做爸爸的，大部份blogger我見都係男人寫財經，女人寫育兒家庭。我都唔例外，我也十分喜歡研究金錢，始終大部份家庭收入都來源都是以男性為主。

但我最希望寫低目的，就是不停提醒自己，唔好忘記，除左金錢以外，多關心自己小朋友，學習及性格等培養，希望教育小孩比自己更加出色，同自己也可以一同學習。

人地話，小朋友出生是人生第二個學習機會既開始，希望我地可以一同成長及回憶。