由寂寂無名的村校到名校CKY

正如之前所講，只諗住俾個仔就近而讀，所以幼稚園只選擇屋企附近的村校，亦都無諗過，讀書要俾錢讀而唔享受政府嘅免費教育。而入名校最令人擔心嘅就係同學太勁搞到壓力太大，太有錢嘅同學會不斷比較，物非所值，有錢應該留返將來小朋友有需要出國留學時用。

首先係心態嘅改變研究點解要讀所謂名校，然後就諗下點樣幫助自己既小朋友去適應，所以就開始寫這個blog。決定咗就慢慢解決所有嘅問題，不斷研究是否物有所值，金錢嘅價值觀，學校到底是不是真的適合自己的小朋友等等。

其實每個父母都希望小朋友將來可以做自己有興趣開心快樂的事或工作，所以培養佢有能力選擇自己將來嘅路係最重要，掌握學習嘅能力比其他更重要。

每當我工作完放工回家的時候，見到兒子自己已把功課做完，自己在看書，看報紙，自學數學，自己搵想要的資料，見到佢熱愛學習的樣子，就覺得自己條路走對了，只要在這條路上不斷修正，就會更加完善。

自己由細到大係讀本地學校，眼見其實有很多老師是有心，但唔識教，十分可惜。
所以揀岩學校十分重要。

仍然記得自己細個小學嘅時候，上堂嘅時候成日發緊白日夢，唔記得究竟係自己唔明白定或者老師講嘢太悶，反正成個小學嘅時間成績都非常之差， 成日拎零雞蛋，偷偷地冒簽名被發現，被打得半死。直至初中，遇到好老師先開始努力讀書，最後仲有機會大學畢業。

小朋友嘅讀書根本是唔會諗咁多，反正自己細個都係咁，咪又係咁樣長大。

又因為十二年免費教育，根本唔會諗比小朋友讀國際學校或者私立學校，有唔使錢讀書嘅福利唔用，自己一年比幾萬蚊或者十幾萬比小朋友去讀，簡直係天方夜譚，以前讀一年大學都係幾萬蚊，有乜理由讀小學中學都咁貴。又或者留返啲錢供小朋友去外國留學仲好。

但慢慢你會發現，依家好多知識雖然可以自己去學，但係都係用英文寫，你要同人溝通，學好英文同普通話十分重要，你要多選擇去追夢，首先你要有能力選擇。

慢慢你又會發現，依家好多工作，尤其是一啲好嘅工作，都唔會公開請人，有好多都係by invitation, by referral。慢慢你又會發現，就算你要創業，有機會你好需要有能力嘅隊友一齊作戰，你睇Elon Musk、Steve Jobs，成功與否有時其中一個因素，可能係睇下你有乜嘢朋友。當然自己都可以獨戰，這些未必最重要的。

但慢慢你更加會發現，影響小朋友最大，可能係學校可能係老師可能係家長，但其實係佢啲同學同朋友。有一次個仔同我話好想玩pokemon, 我問佢你點解會知？佢話佢幼稚園啲朋友同佢講pokemon好好玩，所以佢好想玩。另一次，個仔小一嘅時候，某一個月份，我每天放工回家，都見到個仔揸住本書好開心咁閱讀，我問佢有乜咁好睇，佢話佢其中一個同學介紹真係好好睇，果次係個仔第一次開始睇chapter book，我做咗個實驗，特登係佢隔離打機，佢居然唔理我繼續睇書。所以證明左同輩影響力嘅威力。

所以就會開始
諗，錢係唔係應該用係啲有價值嘅地方。

又要成日提醒返點解要寫依個Blog

我最希望寫低目的，就是不停提醒自己，唔好忘記，除左金錢以外，多關心自己小朋友，學習及性格等培養，希望教育小孩比自己更加出色，同自己也可以一同學習。

人地話，小朋友出生是人生第二個學習機會既開始，希望我地可以一同成長及回憶。

原本在我眼中，小兒是一個好多缺點的男孩，膽小怕羞、被動、情緒化、坐唔定、專注力不足嘅男仔。但慢慢發現進步，慢慢發現起步狀態雖然重要，但每日做啲乜嘢，同乜嘢人一齊更加有決定性影響，希望佢係人生長跑中，欣賞沿途風景，有足夠能力應付不同挑戰。

個仔

入到保良局蔡繼有學校 plkcky，最主要當然係小朋友讀書，
但其實仲有很多其他

第一，係參加生日會，地方唔講咁多，一向都唔視金錢為衡量標準，
一入到去，驚喜萬分，生日會大大小小就見得多，第一次去有主題既 --  Science主題
主人翁仲有相關dressing.. 又玩左幾個科學實驗，裡面所有小朋友都係用英文溝通，係fluent english..
我果日突然明白左什麼是贏在起跑線。

第二樣surprise我的係D同學仔，
兩分鐘挑戰40題數學 加上 小三開始哈利波特英文小說，我最初覺得係impossible.
但原來有為數不少人可以完成做到。
有D同學仔硏究恐龍，連每種龍名都講得出。不只一、二個，有硏究植物、有硏究車…
令我眼界大開。

第三樣係家長分享，
每次家長觀課日後既家長晚會，我都覺得好值得去聽，學到野，不只小學，家長有些小朋友已升中學部，
眼光可看遠一點。

最後，係校車，
個仔話在校車同高年級既同校同學傾計玩遊戲，係傾下書，玩成語接龍，
成車都係小學部同學，有時聽佢講校車生活講到比校園生活精彩，
因為上堂唔可以傾計，校車卻可以，是個交朋友的好地方。




























到寫得太悶，又開始無乜心機，睇黎要寫下D gossip 野，relax 下。