這就是我現在的想法，希望它可以給將來的我帶來鼓勵，去嘗試變成更好的父親。因為我們的孩子是我們最珍貴的東西，他們是我們未來的希望。讓我們一起去培養他們成為優秀的人。
大學時代也有寫下BLOG，人大了，有太多太多事做，寫野差唔多己經被遺忘。
今年訂了二個目標俾自己，己完成一個：SETUP一個小兒的教育基金，雖然做得未咁滿意，但總叫完成了，但可以將來慢慢修改。
第二個目標，build second leg，雖然未有idea，但希望寫下野，搵到條路。
言歸正傳，小兒現在己經是小二了，只想記錄返佢D野，等自己唔會忘記左，同自己研究過既野，希望D研究可以進一步幫到佢學習成長。
幼稚園同小一嗰陣時好緊張個仔學校啲嘢，一到小二就開始越來越少理會，寫下野等自己關心下多啲個仔，我發覺越嚟越重要，依家睇返已經錯過咗某啲嘢，越唔理會就越錯過得更多。再提醒自己呢個係寫這個blog嘅重點。
寫返D背景先：
幼稚兒讀全日制學校－N1-K3 基督教屋企附近嘅中文幼兒學校
現在讀小學－Y1-Y2now 保良局蔡繼有學校 (PLYCKY)
原本諗住俾小兒就近而讀，到K2尾時改變左諗法，自此研究
點可以幫到佢由面試到入學到適應新環境。
----
自己由細到大係讀本地學校，眼見其實有很多老師是有心，但唔識教，十分可惜。
所以揀岩學校十分重要。
仍然記得自己細個小學嘅時候，上堂嘅時候成日發緊白日夢，唔記得究竟係自己唔明白定或者老師講嘢太悶，反正成個小學嘅時間成績都非常之差， 成日拎零雞蛋，偷偷地冒簽名被發現，被打得半死。直至初中，遇到好老師先開始努力讀書，最後仲有機會大學畢業。
小朋友嘅讀書根本是唔會諗咁多，反正自己細個都係咁，咪又係咁樣長大。
又因為十二年免費教育，根本唔會諗比小朋友讀國際學校或者私立學校，有唔使錢讀書嘅福利唔用，自己一年比幾萬蚊或者十幾萬比小朋友去讀，簡直係天方夜譚，以前讀一年大學都係幾萬蚊，有乜理由讀小學中學都咁貴。又或者留返啲錢供小朋友去外國留學仲好。
但慢慢你會發現，依家好多知識雖然可以自己去學，但係都係用英文寫，你要同人溝通，學好英文同普通話十分重要，你要多選擇去追夢，首先你要有能力選擇。
慢慢你又會發現，依家好多工作，尤其是一啲好嘅工作，都唔會公開請人，有好多都係by invitation, by referral。慢慢你又會發現，就算你要創業，有機會你好需要有能力嘅隊友一齊作戰，你睇Elon Musk、Steve Jobs，成功與否有時其中一個因素，可能係睇下你有乜嘢朋友。當然自己都可以獨戰，這些未必最重要的。
但慢慢你更加會發現，影響小朋友最大，可能係學校可能係老師可能係家長，但其實係佢啲同學同朋友。有一次個仔同我話好想玩pokemon, 我問佢你點解會知？佢話佢幼稚園啲朋友同佢講pokemon好好玩，所以佢好想玩。另一次，個仔小一嘅時候，某一個月份，我每天放工回家，都見到個仔揸住本書好開心咁閱讀，我問佢有乜咁好睇，佢話佢其中一個同學介紹真係好好睇，果次係個仔第一次開始睇chapter book，我做咗個實驗，特登係佢隔離打機，佢居然唔理我繼續睇書。所以證明左同輩影響力嘅威力。
所以就會開始
諗，錢係唔係應該用係啲有價值嘅地方。
好讓小朋友有能力去選擇自己嘅將來，去追夢。
快樂就係你有能力選擇。
P.S. 我叫個仔比分數，佢話幼稚園啲老師好過小學啲老師，小學啲老師教得太慢😂，而佢俾幼稚園同小學只係相同分數*。其實我只需要間學校嘅良好語言環境，語言根底打得好，將來
去邊度讀書都一樣容易適應啲。
*小朋友俾分數，其實好簡單，可能你俾粒糖佢食，佢就會比多2分你。
--
又加啲野：
話說升小學果時，個仔話好想同幼稚園同學一樣附近小學上學，而我好想他在雙語環境的新學校上學，結果我跟他說嘗試一年，一年後如果他不喜歡新學校，我會幫他轉回屋企附近的小學上課，他答應了。
第一年過去了，我問他什樣，他回答希望繼續讀下去，不需要轉回屋企附近的小學。
第二年過去了，我問他轉校，他回答好想繼續讀下去，不想轉校，一直讀到中學完結。
如果佢話想轉回，我真心會答應的。
—
人生其實都係一樣，你唔嘗試過，你唔會知道鐘唔鐘意。
—
性格習慣嘅野要從小培養，有啲野你一次唔理、二次唔理、第三次仲係忽視，就會定形，將來你想改變，唔係唔得，但你要付出更大的努力及更長的時間。
唔好覺得小朋友做野唔順眼，講嘢唔順耳就係佢問題，其實冰封三尺非一日之寒⋯⋯
—
又加D野：
最近同朋友傾計，講下佢背景先，佢係當年中五會考時代嘅人，唔識方法讀書又考得唔好，俾屋企人送左去英國讀書，佢話人地教書教到佢明白但香港教唔明佢，之後脫胎換骨，入了大學仲有得揀，畢業仲多選擇入3M、Philips等大公司。佢話佢上司都好後生，一口流利英文，又話宜家大型跨國公司高級管理層越來越多馬來西亞人，聽佢分析馬來西亞人越來越多取代新加坡人，因為佢地擁有新加坡人缺乏的”靈活”，這些”靈活”的基因其實香港人最叻，可惜語言的限制同時也限制了很多香港人的機會，十分可惜。缺少選擇、缺乏上流、缺了機會的人只會不停向下流，加上通脹及其他人的競爭，選擇只會越來越少⋯⋯
—
升學不是一個決定影響一生，而是一個持續嘅決定過程，是任何時間也可以轉變的。
當你以為一條龍升學的時候，中學不會變的時候，但其實依幾年升中學，有很多同學去了不同的學校，傳統名校英華、喇沙，國際學校弘立、哈囉，海外升學加拿大、英國等…而我想像會隨時轉變的時候，反而還未變動。
～名校的世界比我想像中的更小。～
—
不知道今年新加坡是不是比較難找工作，居然來了兩個新加坡來的Global Trainee，而且履歷十分強勁，另外也有去了英國三年工作的同事回流回來。以我最近的觀察，似乎全球人才流動加速中，而大國的去全球化也在加速中。
沒有留言:
發佈留言