成立教育基金

記低返成立教育基金啲嘢先

當初成立教育基金嘅目的，只係想應付自己個父母，其實好多人都唔明白有12年免費教育既福利唔用，要自己去俾去錢讀私立學校、或者國際學校、或者供小朋友外國讀書，不如專心儲錢留返間樓或者資產比佢哋，我其實一啲都唔同意。

如果免費教育真係咁好咁當然就梗係免費啦，無啦啦俾錢多舊魚咩。就係呢邊唔使錢，嗰邊我仲要俾錢俾小朋友補習英文，其實條數都係度，補習最多一個禮拜補一兩次每次一個鐘，其實效果極低。

辛苦搵錢，都想啲錢用得其所，物有所值。

其實
父母反對要自己比錢出嚟，一年幾萬或者一年十幾萬，所以成立教育基金嘅目的，基金組合產生嘅利息用嚟比小朋友嘅學費，唔使自己額外俾錢出嚟，咁樣去說服父母，佢哋又接受喎，哈。

個基金原本又股票所組成，主要係藍籌股票組成，利息由3厘到8厘不等，平均5－6厘左右，派息期為每年1次至4次，由於有啲股票一年排一次利息，令到個基金現金流太過波動，所以研究過後，加入每月派息既債券基金，債券基金經由網上銀行買入，第一次收2％手續費，之後暫時未見有其他額外費用，股票收息銀行仲要收＄30 手續費，有關債券主要為國家債券，暫時買入左兩隻有關基金，一個8厘利息，一個13厘利息，平均10厘。因為風險管理，有關債券基金嘅投資比例相對整個基金組合屬於一個偏低嘅水平。

所以暫時基金回報組合平均6-7厘。

好睇下點計究竟自已需要幾多錢先可以到達目標：
假設學費為$5000，$5000x12/6厘基金回報=需要大約100萬現金。
咁每個月就可以平均有＄5000利息用作教育開支。

當然如果接受更高風險10厘，所需嘅現金就會下跌到60萬。

風險管理因人而異最後當然係要自己計喇。同埋股票或者基金嘅派息比率可升可跌，等都有更多現金，會加入不更多不同嘅投資收入已穩定成個組合。

好啦基金已經完成，只需要增加diversity，同risk control就更加成熟。