寫字醜樣的問題－續

上次寫到令阿仔好開心咁開始練習寫字，玩寫字呢個計時遊戲，研究下寫字可以越寫越快。

但事實上，寫咗兩日，阿仔開始唔記得咗要寫，可能又唔想寫。
然後我就走去問佢點解冇寫，佢答我寫字好攰，我諗一諗，話我同佢玩另一個遊戲，
就係同我鬥快，我見佢平均用6分鐘去寫完一版，咁我係佢面前開始計時，睇吓我可以寫幾耐可以寫完，結果我用左3分零9秒。

然後我同佢講，
呢個奬品遊戲係咁玩。前題係首先要寫得好，跟住張紙既字體寫，如果佢寫到5分30秒，會得到一個細獎； 5分鐘會得到一個中奬， 4分鐘會得到一個大奬。

然後又開始玩過。呢兩日，佢已經拎到4分鐘個大奬了😯。然後我只好衷心的讚他寫得咁快，又俾一個新目標佢，就係破我紀錄有大大奬。

希望佢唔會咁快破到我記錄吧！然後我會比另一個目標去，由英文轉做改成中文！