悔過書

首先表明立場，我好唔明點解會有悔過書呢樣野出現。

我亦都好憎要悔過，做乜事啫，做錯咪做錯，做錯已經唔開心仲要寫悔過書。

今日我第一次聽悔過書呢樣嘢係小朋友出現。

話說，朋友個女入左女拔小一，
因為考試考得唔好，個女寫咗份悔過書俾父母。

其實係我眼中個小朋友已經好高分同好叻，希望個小朋友可以放鬆啲，唔好俾自己咁大壓力。

人生其實係一個長跑遊戲，小學只係人生一個小小嘅階段，喺小學考得高分同低分一啲都唔重要，最重要係打好基礎喜歡學習，個基礎打得越好，將來可以跳得高啲遠啲。

考試只係一個指標，充滿好奇喜歡學習最重要。