群體活動

雖然今早有少少雨，但都同個仔返學校踢波，每星期六上午踢波，下午基督少年軍，成為佢每個禮拜嘅群體活動。

我堅持仔仔一定要參加最少一種群體體育，如足球、籃球等。學會Teamwork固然重要，但細細個開始就應該要感受下，什麼是一齊勝利，一齊失敗既感覺。世界上
好多野未必係自己可以控制晒，有時係需要成個團隊既努力，有時又需要一點運氣，有時一齊失敗都可以好開心好正，只要係一齊付出努力過。

至於少年軍，係另一種體驗，有宗教原因只係我中學都係基督教學校，信仰最重要既影響係自己逆境時多個依靠，順利渡過難關。少年軍只是希望小朋友除了書本知識，也可以學習其他自己及學校唔會教既知識俾佢，就算一點點紀律、野外生活技巧也好。