剛剛Y11 CAS 2025 國際文憑大學預科課程的「創造，行動和服務」的挑戰項目，我看着他們的相片，好像親歷其景一樣：
這樣讀書上堂多有趣..
想着想着．．．
我突然也覺得養育孩子像一個大型的CAS⋯⋯
腦裏變成IBDP的一份子⋯⋯
但如何讓這個的挑戰變得更有趣呢…
-
故事一：讓小朋友愛看書
有朋友問我：「點樣先可以令細路多啲睇書？成日淨係玩。」
我反問佢：「淨係玩唔好嗎？🤣睇多啲書可以話好簡單，亦都可以話好難，但你幾時開始鍾意睇書㗎？🤪」
佢冇即刻答，皺一皺眉頭。我笑咗笑：「好啦，睇落你有啲煩惱咁，你應該想要簡單又快啲見效的。」
「快嘅方法當然有：獎勵制。睇完一本書就畀佢地想玩嘅遊戲時間、買想要嘅玩具，短期一定有效。」
「但，之後多數就失效，因為佢唔係為書本身而睇。」
「如果想佢真正喜歡上閱讀，長遠嚟講要滿足三個條件：
1. 小朋友要有空閒時間。如果一日排滿，佢根本冇心機同體力睇書。
2. 大人自己要相信閱讀有價值，包括漫畫、遊戲攻略都算。你唔信，好難執行下去。
3. 環境要配合：屋企有書、大人偶爾自己都會睇。」
～先讓佢覺得『書同我喜歡嘅世界有關』，慢慢再擴展到其他書。」條路慢，但有效。很多書蟲都是這樣開始的。～
-
從故事書到非小說，之後可能又會遇到的瓶頸——
非小說、工具書、攻略雖然同目標相關，但欠缺『追看性』。睇完就完，冇下集等緊你，動力又會好快消失。
然後，又是另一個故事的開始⋯⋯
故事二：FNFN交替閱讀法
我一直覺得工具書很有用，但剛剛看完字數超過千萬字的小說後。
對仔說「讀完真係好似經歷咗另一個人生的感覺，在另一個龐大的世界體系𥚃經歷了一次不一樣的人生，仲體驗到不同嘅思考方式，十分特別，同煲劇真係有得比，我們是否應該看多一點小說呢？」
仔「其實Ali Abdaal也曾經分享過，最好的睇書模式就是Fiction → Non-Fiction → Fiction → Non-Fiction books」
我「小說 → 非小說 → 小說 → 非小說交替，這個 F-N-F-N 循環模式聽落很新奇，你會否嘗試一下？」
仔「剛剛也想看The Lord of the Rings，查了一下，應該先看The Hobbit，我會先從這本書開始體驗一下這個模式」
～讀小說時有代入感，讀非小說時有現實落地嘅收穫。～ 如果高產閱讀的，可能秒懂這是在幹嘛的⋯⋯
最後，我們會問這樣看書有用嗎？可能一百個人有一百個不同看法，但這樣看書一定會重塑我們的習慣，將我們寶貴的時間，從其他地方分配給「閱讀」這件事上。
「當閱讀真正變成習慣，時間自然會長出答案給我們。」
沒有留言:
發佈留言