農曆新年的書單

 農曆新年，16歲仔唔𢭃利是，喺度狂「下載」人生智慧

正常仔農曆新年 Default Mode：打機、瞓到日頭曬屁股、掛住𢭃利是。

我個仔，卻進入咗一種「與別不同」模式——

瞓覺前睇書、朝早一劈眼又睇、出街坐車都低頭睇，簡直係一塊極度飢渴嘅海綿。

最奇怪係，他開始反客為主，向我呢個爸爸「Sell」書。

臨瞓前，佢雙眼發光：「爸爸，而家睇緊一本書真係好好睇，睇到停唔到！」

推銷嘅係 Derek Sivers 《Useful Not True》——「先介紹作者嘅背景Derek Sivers 係一個音樂家轉型企業家嘅傳奇人物，他創辦咗 CD Baby 後賣畀 Amazon，故事核心觀點係「有用唔一定係真實」或者更精準講：好多被當成「絕對真實」嘅信念，其實唔一定真，但只要有用就值得採用；反過來，好多「錯誤」或「唔準確」嘅想法，反而係最有幫助嘅，所以只要一個想法對你生活有幫助，就值得採用，最後仔又高度讚揚作者智慧等等。」

講完仲未夠喉，順勢再推佢另一半書《How to Live: 27 Conflicting Answers and One Weird Conclusion》。

我聽到笑住問：「你係咪想試吓佢奇怪嘅思考方法？但你小心中伏喎🤭」

第二章：新書單「認知武器庫」

偷偷掃咗佢最近書單：

•  《Meditations》——羅馬皇帝 Marcus Aurelius 嘅斯多葛防彈衣

•  《The Laws of Human Nature》——Robert Greene 教你睇穿人性暗黑雷達

•  《Incerto 5-Book Bundle》——Taleb 整套反脆弱黑天鵝演算法

•  仲有《Useful Not True》、……

其他16歲仔，我而家都唔太了解，但我嗰個，佢已經同古羅馬皇帝、華爾街交易員、人性大師跨時空對話。

第三章：入迷

點解佢突然咁上癮？

起因可能係我之前推介《富蘭克林傳》。佢睇完講：「開頭好睇，但中間美國歷史有啲唔明。」

但就係呢本書，打通咗佢嘅任督二脈。

那一刻我突然明白：

閱讀頂級人物嘅思想，可能真係有啲影響。

我哋普通人要碰幾十年壁、先破產、再背叛、甚至生死關頭，先總結到一條鐵律。

佢只需要短短的時間，就把 Taleb 嘅反脆弱、Marcus 嘅斯多葛、富蘭克林嘅行事邏輯，直接下載到自己 Obsidian 第二大腦，變成 Mental Models 清單裡嘅新程式碼。

呢個就係我書入面講嘅「閱讀飛輪」——從金庸到心理學、從 Fiction 到 Non-Fiction（FNFN 模式），最後爆發成認知升級。

結語：

作為父親，我心底最大感受唔係「哇我仔好叻」，而係安心。

AI 時代，死記硬背一文不值。真正保護佢唔會「慢性下行」嘅，係呢個不斷擴張嘅認知邊界，同埋佢自己寫緊嘅「Human 3.0 人生演算法」。

我而家真係越來越似副駕駛——

方向盤已經喺佢手上，我只係喺旁邊睇住地圖，偶爾提醒一句：「前面有個黑天鵝，小心反脆弱。」

農曆新年嘅呢場「大腦迭代」，先剛剛開始。

而我呢個爸爸，可能可以鬆一口氣。

繼續研究我嘅人工智能OpenClaw小龍蝦🦞 ——它透過 SELF_UPGRADE_PLAN 自動迭代記憶系統，與兒子一樣，正從「失憶報錯」走向獨立運作，兩個「生命體」都喺度跑出自己嘅最優 path。