運動會的熱情

今天是一年一度嘅運動會，天氣時冷時熱，

個仔昨日開始病又咳又發燒又流鼻水，

昨日休息左早上半日後，堅持下午返學，

返學嘅原因並不是他特別喜愛返學，

而係下午返去換新一本中文圖書，

一顆好勝嘅心，

為嘅就係同佢好朋友比較邊個睇得最多書，

兩個其實叮噹馬頭，只要其中一個睇慢一本就會輸。

食藥過後，精神奕奕地趕返學校。

今日都係一樣，一向最愛運動嘅佢，

並唔想留係屋企休息，堅持參加運動會。

比賽一個接一個，佢仲係最積極參加嘅一個，

其他家長見到他跑得很快，還不停稱讚，

最後不負努力贏得奬牌。

  

可惜一返到屋企就再度發燒，
希望佢多點休息吧。

筋疲力盡、大汗淋漓😂

有時見到佢就諗起自己啱啱畢業嘅時候，

一顆雄心壯志，咩咩都唔理咁向前衝衝衝。

歲月磨平一個人嘅激情，做任何野都開始左思又想，計劃太多，失去當初嘅熱情。

有時候應該同小朋友多多學習，不要顧慮太多，

Have the Passion, Take the Action, Magic will Happen.