從遊戲中學習

從遊戲中學習係我最鍾意嘅學習方式

我記得我讀小學的時候，上堂成日夢遊唔知做緊啲乜，已經唔記得老師講過啲乜，點解會咁，覺得應該係上堂太悶，所以悶係會令人浪費晒啲時間，之後我阿媽又叫我去補習，上堂悶到夢遊，放學先要去補習真係好鬼慘。

然後到我個仔學校CKY第一年家長觀課日，
我終於了解到原來上堂可以咁開心，記得果年第一次家長觀課第一堂英文，英文老師係到教學串生字，好似去咗玩超級無敵掌門人咁，首先有兩個同學背着白板寫住個英文字，然後有另外兩個同學講個英文字令那兩個同學估中串出黎，不停rotation, 超級有趣，然後又玩另一個遊戲，最後個老師講一個英文故事Stick Man完結，讀得好鬼好聽生動有趣。

而我想阿仔講多D野都係用遊戲方式教，細個果時，因為要面試，如果人地問你一句，你答幾個字一定fail緊，都唔需要諗有奇蹟出現。所以我鐘意同佢玩講字鬥多遊戲，我先講一句，如：今日吃飯食得好飽（共8個字），個仔就要講一句9個字以上，如：今日吃飯食得好飽又食得開心。

慢慢地，佢有時講野仲長氣過我！