## 偏見
晚飯桌上，D飯粒粒分明，像是沒煮透的珍珠。我老婆嚼了兩口，忍不住皺眉，望向兒子：「喂，仔，你係唔係加少咗水？」
兒子還沒開口，老婆已經一副破案的模樣：「肯定係你水加少咗，米先會咁一粒粒唔熟！」
兒子放下筷子，平靜地說：「媽咪，不如你由頭煮一次。如果無問題，咁應該就係我水加少咗。」
我聽不過耳，插嘴道：「仔，唔一定係水量問題啦！可能係火候、鍋具，甚至米有問題。不如你由頭到尾再試一次，如果無問題，咁應該係其他地方出錯。」
兒子眼珠一轉，似笑非笑：「爸，如果我每次都要由頭到尾試，證明無問題，咁以後煮飯唔係全交晒畀我？呢個對我黎講，係一個大問題！」
餐桌上一陣笑聲，老婆搖頭：「你個仔，真係⋯⋯🤣。」
兒子突然話鋒一轉：「不如我哋玩個遊戲，考考你哋腦筋。係一個數學題，聽住：我會畀你哋一組數字，你哋試下估背後嘅規律。每次答三個數字，我會話你啱定唔啱，然後你哋再估規律。」
老婆一聽，馬上擺手：「用腦好攰喎，食飯時間要輕鬆啲！」
兒子笑笑，安撫道：「媽，當係一個娛樂遊戲。如果贏咗，你有兩樣收穫：一，贏咗遊戲；二，學到新嘢。」
並強調：「超級簡單的」
老婆被說服，兒子先給我們三個數字：「好啦，2、4、8」
老婆繼續：「2、4、8、16..」
兒子點頭：「正確！但要三個數字，呢組答啱咗。」
我心想不甘示弱，馬上說：「1、2、4！」
兒子笑：「正確！但你估吓背後規律係咩？」
我自信滿滿：「好簡單，自己加自己！1+1等於2，2+2等於4，4+4等於8…」
兒子搖頭：「錯！」
我一愣，改口：「唔係咩？1、2、4、8、16、32…咁係咪每數乘2？」
兒子依然搖頭：「唔係。」
老婆試試看：「3、6、9？」
兒子點頭：「正確！」
老婆興奮起來：「2、4、6！」
兒子笑：「又啱！但規律呢？」
老婆想了想：「係唔係相隔一樣距離？」
兒子笑而不語：「錯。」
我同老婆異口同聲：「好難估啦！不如唔玩啦！」
兒子安撫說：「原理其實好簡單」
我試多一組：「1、2、3？」
兒子答：「正確！」
我再問：「-1、0、1？」
兒子說：「又啱！」
我說我抓到竅門：「3、2、1」
兒子答：「錯誤」
我說「規律係咪數字越來越大？」
兒子終於點頭：「答中咗！」
兒子放下筷子，慢條斯理地說：「你哋一開始就覺得飯粒唔熟，係因為我水加少咗。呢個就係『先入為主』，所有想法，會以你們以為的「規律」去諗去分析。你哋喺遊戲入面，都係一開始就定咗個框框，覺得規律一定好複雜，點知答案係咁簡單——只要數字係遞增，無論點樣增都得。」
老婆笑著拍手：「你個仔真係！連食飯都要教我哋人生哲學！」
-
drop notes:
好多人有幾個問題：第一，佢哋唔知自己唔知啲咩；第二，佢哋讀完書好快唔記得內容；第三，佢哋唔鍾意讀複雜嘅書，因為覺得唔舒服；第四，因為唔肯接觸複雜知識，佢哋喺人生中難以應付更大挑戰，結果影響咗智力成熟度。
點解宜家仲要睇書？
1. 閱讀改變思維同世界觀：
- 讀書嘅目的唔係單純記住內容，而係透過書本嘅知識同觀點，改變你嘅思維方式同世界觀。AI雖然可以幫你分析同整理資訊，但佢唔能夠代替閱讀帶嚟嘅深層思考同個人成長。書本提供嘅複雜概念同故事可以幫你建立更全面嘅知識網絡，令你喺人生中更懂得應對挑戰。
2. AI係工具，唔係替代品：
- AI可以幫你更有效咁消化同理解書中內容（例如用AI連繫概念、發現盲點），但閱讀本身嘅過程係獨特嘅，只有你親自讀書先可以喺腦海中建立屬於自己嘅理解同感悟。AI係輔助你嘅工具，唔係完全代替你嘅大腦去思考同學習。
3. 閱讀幫你應對人生嘅複雜性：
- 現代人好多時因為怕麻煩而避開複雜嘅書同知識，但呢種心態會限制個人成長。喺AI時代，雖然資訊容易搵到，但真正有價值嘅知識需要你主動去探索同消化。讀書可以訓練你嘅心智，幫你喺複雜嘅世界中作出更好嘅決定，而AI只係幫你加速呢個過程。
4. 行為改變同身份認同：
- 閱讀嘅最終目標係改變你嘅行為同身份認同。喺AI時代，雖然你可以靠AI搵到快速答案，但只有透過閱讀同應用書中知識，你先可以將呢啲知識內化，變成你嘅一部份，幫你成為更好嘅自己。
～這從來都不是關於你知道多少的問題。它總是關於知道你不知道多少。你只能用現有的食材做菜。～
所以強烈建議閱讀Dan Koe 最近剛發表的這篇文章，用後設認知的角度分析了為什麼在AI大爆炸的時代，我們仍然需要培養讀書的習慣 和 為什麼要讀書
https://thedankoe.com/letters/how-to-remember-everything-you-read-with-ai
