睇返好耐以前自己寫既blog，覺得有啲好好睇有啲好好笑，反而宜家淡而無味，睇黎應該係少左媽媽同我鬥嘴。😂
好入正題，生活趣事⋯⋯
今天我們食完晚飯後，
老婆說：老公，你覺唔覺有啲臭味呀？
然後不停周圍聞，
我同個仔打了個眼色，接着說：係唔係你鼻臭呀？
然後我與仔仔大笑，
老婆望一望我，諗一諗問：係咪你條褲臭，幾耐無洗過？
我即時反應答：你隻腳臭咋，你幾耐無洗？
老婆又怔了怔，又諗一諗，
我見到佢既神色後，又補充道：隻腳日日洗都會臭啦，邊關幾耐洗事，唔信你聞下(果時我岩岩沖左澡，佢仲未沖)。
老婆半信半疑，抬高隻腳，正想聞：聞唔到喎。
我望一望個仔，見佢在偷笑。
我見勢，又補多一句：咁一定係啦。
然後老婆又諗左諗，拎起拖鞋，聞了聞，開心大發現説道：吾，原來係拖鞋臭
其實我好想靜靜跟仔仔說出秘密：其實我條褲都好耐無洗洗，可能係我條褲臭😏
太快完唔好玩！
一一一
功課
老婆不忍心見個仔仲病病地，叫姐姐幫下佢，姐姐諗左2首解釋完，俾個仔rejected, 然後話佢唔知寫乜，叫佢照抄都有要求😂
我估仔仔咁有主見，最後應該可以自己完成，加油呀！
沒有留言:
發佈留言