套裝中文書．購買體驗

自從個仔開始睇英文chapterbooks之後，我哋買書多數都會一套套咁買，追看既心癮應該要即時被滿足😂，差唔多睇完一套時，我哋會開始幫佢研究或者按佢自己要求買入第二套，當屋企嘅書太多嘅時候就會賣返出去或介紹俾有需要嘅朋友。個別一本本就會去圖書館或學校借，單本比較容易借，中英文如是。

依家睇返，屋企嘅藏書八至九成都係英文，中文有睇，但十分之慢，就例如這一套字詞樂園一套七本書，放咗一年都只係睇咗第一本嘅一小部份，就已經被打入冷宮，直至⋯

上次講到作家林世仁到訪個仔間小學，
啱啱過咗大約一個星期，我見到已經有三四本放在他枱面睇完，估唔到邀請作家到訪嘅威力係咁大，馬上將興趣由零增加到最高。(我開始越嚟越明白點解間學校咁多小朋友最鍾意睇書，同埋點解誠品會咁多人鍾意入去睇書，作家圖書分享會可為功不可沒)

然後，我們研究買入下一批中文書時，已經被要求買入同一個作者其他系列。

題外話，唔怪得依家好多公司將賣產品變成賣體驗，只係放個產品喺度一啲都唔吸引，但係你直接接觸作家傾吓計，又係另一個體驗，令人特別有親切感同興趣，又學到野啦。

 

《字詞樂園》一套七本，包括：

《英雄小野狼》- 字的形音義：字形、字音及字義

《信精靈》- 字的化學變化：字詞組合

《怪博士的神奇照相機》- 字的排隊遊戲：字序變化

《巴巴國王變變變》- 字的主題樂園：字詞意義和變化

《十二聲笑》- 文字動物園：動物成語及比喻

《福爾摩斯新探案》- 文字植物園

《小巫婆的心情夾心糖》- 字的心情：情感的多樣表達