The power of Peer Learning

以前我細過嘅學習方式都是單向學習，即係老師在講，同學坐定定在聽。

其實呢個學習都有它嘅好處，如果個老師係一個勁人，

好似曾鈺成遇到佢嘅英文啟蒙老師 John Eynon 咁，好自然英文都唔會差得去邊，
令人回味，
但世界上有幾多個勁人可以俾你係人生中到遇到，好似金庸小說裏面嘅主角咁，
練成絕世神功呢

到我出嚟做嘢學識左第二個學習模式，workshop。

即係
有人喺度講嘢，講完野大家一齊做，加深認識，等你容易啲入腦。
其實都係無錯，學完之後一個短嘅期間，的確係仲記住。
但只要個樣野你唔用，慢慢就會係你腦入面消失。

到個仔讀書返學，我認識到第三個學習模式，同輩Presentation學習模式。

一班28個同學，一個topic ，例如昆蟲，每人做一份project，揀一種昆蟲，
然後每人做一個presentation，自然就會有28種昆蟲出現，
這個學習模式有它既好處，對自己要演說嘅昆蟲特別熟悉，因為要蒐集資料，
然後分享俾其他人聽，仲有Q&A section，唔熟分分鐘俾人問到口啞啞。
因為同輩嘅分享用同輩嘅語言，所以特別入腦。
其他增加整理資料演說技巧等既好處就唔多講啦。

對其他家長嘅好處我都唔多講啦，
對我，反而知道昆蟲嘅定義係有頭胸腹。

原來蜘蛛唔係昆蟲，為蜘蛛只得頭部同腹部，
是節肢動物。

我相信我細個老師都應該有教，但點解我唔記得，
反而而家，我深深入腦。

所以有一日有隻蜜蜂飛入屋企，
我同個仔講，
隻蜜蜂Bee好大隻呀，

而佢對我説，這不是Bee，而是Wasp。
然後他同我分享Bee與Wasp不同之處同分別。

不同的學習方式得到不同的學習結果，
選擇一個好方法，將

事倍功半。