你不能改變他，但是可以影響他

我記得個仔細個嘅時候，我寫過一句說話：「原本在我眼中，小兒是一個好多缺點的男孩，膽小怕羞、被動、情緒化、坐唔定、專注力不足嘅男仔。」

雖然中間的改變是很微小，但多年後回頭一看，改變是巨大的。

個仔讀唔讀到書，是他的決定和努力，父母其實到中學已經很難改變他，但是父母有能力影響他。

改變是緩慢且困難的。但隨著時間和努力，幾乎任何習慣都可以被影響被重新塑造，只要你擁有技巧。

1. 個仔有寫日記，都好長篇，但不分享給我了。
2. 啱啱過去的暑假可以獨自一個坐飛機，已經睇唔出有膽小怕羞了。中間有咩問題，佢也主動找其他人幫手。
3. 好耐都冇見過個仔隨便發脾氣了。
4. 搵個仔傾偈，他把電腦上30分鐘的專注時間計時停了下來。
5. 屋企每日都會煲劇，最近睇完射鵰英雄傳之鐵血丹心，個仔話好想重新睇多一次金庸啲小說。

希望個仔除咗英文書，都可以睇多啲中文書。

又記低一個故事：

有一日我坐喺屋企，見到個仔同同學傾談「看書的重要」，呢個題目真係十分有趣，吸引到我。

一開始，一個拎獎學金嘅同學說：「看書是一個投入大效率低的活動，知識的吸收現在有很多其他方法代替，所以沒有什麼價值。」「成績好，唔一定要喜歡看書的。喜歡看書的，也不一定成績好。」

由一個拎獎學金的同學講出嚟特別震撼同埋有說服力。我以為個仔會同意佢講嘅說話，因為我睇唔出佢而家特別鍾意睇書。

但個仔話：「看書是很有價值的」

就係咁樣，佢哋就傾咗好耐好耐．．．到佢哋瞓覺都未有結論。我最估唔到個仔係企喺支持看書的一邊。

       ● • ————

大多數一夜之間的成功，

        都需要至少五年的努力，

        事實上，任何重大成功都是如此。

        明白這一點，

        你就知道如何規劃你的生活了。

        ● • ————

你想放棄時，

        再做五個：

        五分鐘，五頁，五步。

        然後再做五個。

        有時你可以突破並繼續前進，

        但即使在未能突破的情況下，

        你也多做了五個。

        告訴你自己，明天可以放棄，

        但今天不行。

        ● • ————

日子有功⋯⋯

～雖然你不能改變他，但是你絕對可以影響他～