講睇書：孩子看書的習慣

正所謂講錢傷感情，唔使諗錢就唔好諗，所以傳統開學月，九月第一日，講讀書，這樣多美好⋯⋯

先講2個好處：

- 每天讀書6min就能減輕68%的壓力

- 閱讀650個字會消耗一卡路里

再講2個故事：

話說有一日，Kindle話這套書免費：The Chronicles of Narnia Complete 7-book collection - Lewis, C. S. ，我問仔睇唔睇，佢答我唔知，咁我話反正唔洗錢就下載左先，結果之後某一日，個仔話佢睇完曬，一日一本，剛好一星期睇完。個仔看故事書的速度真的很快。

又話說有一日，我岩岩打開想睇The 48 Laws of Power - Robert Greene，個仔就出聲，問我睇緊48 Laws of Power? 我以為佢睇左，諗住問佢好睇嗎，原來佢話Andrew Huberman都有講Robert Greene喎，話佢本書Mastery 直接影響了自己，沒有了這本書就沒有今天的自己。結果，咁我先睇Mastery。

但其實我都係最岩睇laws of power. 

到底，我注意到什麼？

1. 父子互相的影響 

我們也在看着自己喜歡的電子書，但用著同一個戶口，即是：

～我下載或看書的習慣會影響着個仔閱讀的書籍～

之前那本The Millionaire Fastlane， 以個仔的習慣是不會看的，但就是這樣看了，而理財卻是我的習慣。

Men Search for Meaning也是一樣，我自己是不會看的，見到個仔話好睇，我都走去睇下，真的不錯。

2. 睇書的影響力

其實我活了這麼多年，越嚟越少人或事情可以影響著我，然後，個仔已經在第二個故事說明了一件事，一本好書是可以影響一個人的行為。

睇書不一定令你成為富翁，也不一定令你考試一百分，但一本好書卻可以令人改變，變得更好。

所以我是希望可以讓閱讀成為個仔的習慣，陪伴他一起成長，10A固然重要，但每天閱讀我覺得更加重要。

仔，記得你寫的，最少也看一頁。

3. 孩子看書的習慣

由個仔小學故事書開始，他的同學介紹了Chapter book給他，到中學，個仔開始不愛故事書，而我介入後*，開始看心理學書籍，到學習類、理財類等等，多元化閱讀的開始⋯⋯我慢慢再記錄下來。

我記得有一次我介紹一本好書給好友，然後他問我：「想看看你有沒有什麼心得可以應用在生活中」

所以，我希望我們也可以找到一本書，讓我們馬上作出改變，而將來的我會感謝今天的我看了這一本書。

和 

～感謝我記錄了這件事，原來我們也曾經努力過這份的堅持～

*註：因個仔青春期，成日同我理論，但又似是而非，情緒又不穩定，我只好從常見的偏見**入手，最後引起他對心理學的書籍的興趣。

**第一個開始係Hindsight bias, 然後到Confirmation Bias, Argument dilution effect, 前前後後了解了40個偏見，而我也學了很多，青春期建議應該要多掌握的偏見。