早餐不吃麥片，晚餐吃蒸餸

 

之前寫過一篇文章，做過一個實驗。呢篇會keep返。

早餐食麥片．飯前先食菜

2017年開始食麥片，2022年update 證明無效（其實2020已經證實咗，之後仲冇得周圍去），總膽固醇每年慢慢增加，最後升到高峰6.5mmol/L，中間有增加運動，減飯減糖分減體重，都無用，好在心臟掃描血管還是正常，沒有阻塞。老婆總膽固醇也升超過6。（之前是有一邊YouTube/睇戲，一邊運動）

所以2022年開始回復正常早餐，減少運動，多做拉筋、冥想、閱讀。最大嘅改變係我們的晚餐都改了用蒸煮方式，然後2023年身體檢查結果，我的總膽固醇回復正常值，跌回到5mmol/L，老婆的回到4.8。

我的壞膽固醇也由4.4下降到3。

唔知係咪蒸食嘅結果，反正結果令人滿意可以繼續。

2024年開始每天閱讀，吃蘋果 -

之前幾年都有每天做拉筋，拉筋會增加血液循環，做完個人好舒服。

也會每天冥想，睡前冥想，清空腦袋專注當下。

但今年特別會加入每天閱讀。閱讀減壓，我發現效果不輸打坐冥想。

耶魯大學有研究發現，平均每天讀30分鐘的人，比完全不閱讀的人，壽命還長約20%。（唔知個結果點得嚟，反正我見到鍾意睇書嘅人都係長命啲，又或者咁啱我睇到嘅咁啱都係長命，又或者多一個藉口陪吓個仔一齊讀書。）

同埋加多一樣嘢，每日一蘋果，好好味。

等我又做吓實驗先。給幾年後的我睇返。

結果唔知係點，但個仔變咗要陪我哋一齊食蒸的，同埋每一日蘋果🤣