輸贏唔重要，最緊要好玩

「輸贏唔係最重要，最緊要係好玩。」呢句野我領悟咗好耐，好想咁諗，但係成日都做唔到，估唔到係自己個仔口中聽到。

記得幾年前佢講「輸咗咪再黎過囉」，我已經覺得好犀利，講就易囉，咁易做到咩。

直至到，呢幾日放假同佢打機，打一個計時嘅防塔遊戲，中間一個主塔，兩邊各一個副塔。我見佢個一個副塔快將淪陷時，就好緊張咁同佢講「快啲守住個塔，就嚟失手啦」，但佢不只沒有防守個副塔，反而好輕鬆咁講「時間差唔多啦」，我見時間剩返20多秒，一邊副塔已經失守，我心諗一定輸啦。

當個仔嘅主塔受到猛烈攻擊嘅時候，佢只放了一小部份兵力防守，而同時進攻對手兩邊副塔，在對手忙於進攻佢嘅主塔時，眼見勝利在望，估唔到對手嘅兩個副塔在最後幾秒嘅時間同時淪陷，遊戲結束，個仔得到最後勝利。

個仔同我講「個遊戲最重要嘅就係時間，計啱時間做出決定就會勝利」

個仔嘅說話，我感到很震撼。

呢件事情令我學到多嘢，最重要嘅係，唔好睇低小朋友嘅智慧。

仔仔，我好佩服你。