一個思考快的小朋友

家長日後，見到個仔主要做得比較好嘅：

1. 聆聽
2. 閱讀
3. 口語

呢幾樣，係我覺得好重要嘅能力，我本以為個仔進步左啦，然後再睇返一年班的成績表，發現呢幾樣同樣都係做得比較好嘅。

分別就係嗰陣時只係中文做得好，現在中英文同時做得一樣咁好。

「做得好的地方依然係做得好，而做得唔好嘅地方依然都係做得唔好。」

當然錦上容易添花，但雪上也容易加霜。

做得唔好嘅地方，只係想知道點解，睇吓相應嘅對策。

尤其是係寫字上，字醜的問題依然存在。其實個仔中文寫得唔太差，可是英文寫得特別地差，同一時間有時好靚有時好差，一直都唔係好明點解，直至老師話俾聽⋯

「佢係諗嘢快過佢隻手寫嘅速度」

佢隻手寫字嘅速度追唔到佢諗嘢嘅速度，為咗令到自己仲記得之前寫好晒，所以快快手寫，咁啲字就會好潦草。

所以，如果有時間或者唔使諗嘅功課就可以寫得靚。

我終於明白原因：

「個仔係一個思考快嘅小朋友」