情人節．打機 vs STEM Coding．網上課程(續)

寫返個仔先，始終呢度都係寫個仔啲野，唔想寫咁多自己啲嘢費事騎劫左呢度，但寫低返重點最尾要寫啲乜先，上一篇文章最後最主要想講努力面對自己嘅弱點，一個coin有兩面，有時自己覺得嘅弱點係某些事上會變成一個優點，只要記住有時轉一轉個銀幣望清楚自己。

今天情人節，梗係要寫返啲情人野先

呢張紙仔係舊年個仔小一嘅時候收到，有個女生送俾自己個仔，俾我哋無意中發現左，唔知算唔算叫Puppy Love，因為個仔話鍾意另一個女仔，好鬼複雜關係😵，唔知今年佢會唔會又有而又俾我哋發現到呢⋯⋯

今日仲收到個仔親手整嘅情人節蛋糕，特別好食

 

－－

返入正題，放工返到屋企，開門第一時間就見到個仔喺度打機，自然反應就會問佢做晒功課未？佢答我未。

仲要見到猴子食香蕉畫面，去到呢個位好多時大人嘅反應就會開始生氣：

 

其實我都有少少火升緊上去，但好多時我都係會問多兩個問題先決定我嘅情緒反應，

我問：做咩仲未做晒功課嘅？

仔答(打住機)：唔見咗本書搵唔到所以做唔到

(之後幫佢解決左，搵返啦)

我：咁快做埋功課去啦喎唔好掛住玩

仔：哦(做完功課之後繼續打)

我：有乜咁好玩呢？（開始留意佢玩緊乜，原來我係解謎Coding)

仔：唔係玩呀(好快去到challenge二十幾，有looping，開始好難)

然後我同佢一齊玩Coding，順便講解下電腦嘅指令同人嘅語言嘅分別，電腦最後只係識睇101010，等於開關開關開關

兩個大細路玩到唔捨得訓😂

－－

 

第一次上Edx 課程，仲要同個仔一齊上，值得一讚佢時間控制得幾好每條片都係幾分鐘左右，然後就有問題考下你學識左幾多野，仲有中英文字幕揀嚟睇

唔到個仔都答啱幾題