早餐食麥片．飯前先食菜

寫開飲食，又寫低個仔嘅飲食習慣，好多時受到佢爸爸我嘅影響都幾大，話說：

某一日我睇咗一個日本節目，係一個醫學嘅節目，叫恐怖醫學，喺度研究降低血糖吸收嘅方法去防止糖尿病，其中一個方法就係食菜，只要你食飯前先食菜就可以有效減低糖分嘅吸收速度

個節目好詳細實驗，分別要食幾多菜，點樣食幾時食，對之後身體嘅影響都講得好清楚，好佩服日本人嘅仔細分析同研究。

之後我每一餐食飯我都會先食沙律或者先食菜，我都將呢件事分享俾我個仔知道，之後佢每一餐都係先食菜，亦都好鍾意食菜同生果。

然後到咗呢幾日，

個仔嘅早餐突然話食麥片，仲要連續咁食，可能都係受到我影響。

話說我每年嘅身體檢查，膽固醇每一年嘅指數都係度慢慢上升，為咗身體健康，決定上年開始每日嘅早餐都係食麥片，已經持續左接近一年，到身體檢查就知道有冇影響。(@2022年update 麥片冇用，改成酸種麵包反而對腸胃健康更好）

但我冇諗住影響個仔，小朋友應該均衡飲食，尤其是發育期間每日嘅早餐應該係食唔同嘅食物同埋吸收唔同嘅營養，唯一我反對嘅食物就係食加工食品，佢可以食但係唔可以日日食。

呢幾日，我有我食乳酪麥片

佢有佢食牛奶麥片

 

今日，俾佢食麵包，小朋友始終都應該均衡營養，同我呢啲策略性研究逼住食麥片掂都唔同。

* (@2022年update 麥片冇用，改成酸種麵包反而對腸胃健康更好）