名幼面試

朋友幫個女報讀名幼問我建議，說真的，出名幼稚園我到個仔小學先識得晒，識得是因為未升上小一已經有曬whatsapp group，而每個父母也分享自己子女從那名幼而黎的。之前覺得自己的小朋友不是讀書材料，只是想著讀屋企附近的幼稚園，之後順其自然升讀屋企附近的小學，只要讀書讀得開心老師有愛心就係我嘅理想學校。

因為自己的小朋友常常三分鐘熱度，集中力不足，喜怒無常，所以特別花了很多時間硏究幫助佢訓練佢，終於K1下半年慢慢地見到進步及成果，K2第一次拎到學校嘅優異生。

就係呢個時候，決定幫個仔報名面試最接近屋企嘅名幼測試實力，同埋了解下出面嘅世界。

於是我就把唯一一次名幼嘅面試過程分享俾朋友知道，入到去就係最基本嘅能力測試，應該話呢啲測試大同小異都係測試小朋友嘅學習能力、反應、觀察力、表達能力、禮貌等…有關測試主要係又老師負責同俾分，過咗呢啲關之後，就直接去面試校長。

坐係我地前邊嘅係一個男仔，入校長房間前，不停用流利嘅英文與他嘅媽媽傾計，可以用native and fluent形容佢哋嘅交談，當我驚訝同讚嘆嘅同時，個小朋友嘅媽媽轉用流利嘅普通話，而那小朋友可以即時轉用流利嘅普通話回應，這時，我與老婆同時驚訝地對望一下，衷心地讚嘆那個小朋友的能力。

到我地入校長房間，桌前分別有3張椅子，2張可旋轉，1張不可以旋轉，我地一向俾佢自由選擇，所以揀左張旋轉椅，一個男孩子坐上一張旋轉椅，結果咪不停旋轉，令我們十分尷尬，而我們也沒能為力處理這個尷尬場面。

 

之後校長問我地諗住點栽培個小朋友，想揀邊啲小學，我地就好自然咁講返我地嘅想法，'順其自然升讀屋企附近的小學，只要讀書讀得開心老師有愛心就好了'，面試結果可想而知：失敗！

最後校長與之前那流利中英文嘅媽媽興高采烈地討論其他名小攻略…

對於這次面試後，我終於完全明白名幼的遊戲規則了…