考完試「中文作文寫英文」「父親節」「數學」

 考試其實冇乜嘢好寫，終於考完試，留意到幾樣嘢，記錄低：

「中文作文寫英文？」

考完試就係清理書枱的時間，讀書工作紙、模擬考試測驗卷一大堆，清理嘅時間冇乜特別睇，但係其中一樣嘢特別礙眼，就係發現一份中文卷入邊居然出現英文，自然就會望多兩眼⋯⋯

原來係中文作文模擬考試卷，個仔起草稿嘅時候用英文嚟起草稿，證明大概率佢思考係用英文思考，作文嘅時候再翻譯為中文，呢個有咩影響？

咪就係慢囉。

到底用中文思考英文思考好啲？定係都可以同時用中文及英文思考？

早一點發現可能給我們更多啟發及研究⋯⋯

「書本」

好多IGCSE書本都係好新淨，只有電腦科的課本特別殘舊，特別殘舊只係四邊特別殘舊，裏面還是特別新淨。

「說話」

同個仔傾偈好困難，考試唔使講嘢，越講越少，所以我同個仔講 - 重啟說話遊戲，即係我講一句說話10個字，他需要用11個字的說話回覆我。

我見個仔面有難色，我跟他說只是遊戲，沒有懲罰機制，至於獎勵，就係你玩玩吓你就會覺得好開心，一定會笑，結果證明玩咗一陣佢已經笑咗出嚟⋯⋯

「IB選科」

陸陸續續咁見到選科的資料出現，我聽個仔分析📊，什麼科只有3%拎7分，什麼科是有30%拎7分。（IB分數範圍為1-7分，7分為最高分。）

原來還有攻略的⋯⋯

「父親節」

最後說一說父親節，今年我叫個仔將父親節的重點轉移，不是給我安排，而是給我的父親安排，所以幫助我帶禮物給爺爺嫲嫲，然後給他的爺爺詢問及預訂我們一起吃飯慶祝的地方⋯⋯

～愛我身邊的人便是愛我了。～

對於一個家庭來講，你是樹根，孩子是花朵。

美麗的花果豐盛的果實只是時間的果。

-

「處理數學的方法」

原來是這樣的..

陶哲軒：人類並沒有專門數學腦區， 不同的人處理數學問題有自己的方法。 

    * 有些人調用視覺中心，所以他們以視覺化的方式思考數學。

    * 有些人呼叫語言中心，所以他們以符號化、邏輯化的方式思考。

    * 有些人調用解謎/遊戲中心，所以他們擅長競賽和策略性的思考。

而我們現在的教育是在試圖用同一種方法去教導所有的學生。這會導致有些人過早與數學「失聯」。

Terence Tao:

YouTube: https://youtu.be/HUkBz-cdB-k?si=thk29j44m4FhzkUf