續講睇書：改變孩子的書 - 中文書

 

上一篇講睇書：改變孩子的書

不經不覺已經過了2星期，個仔還可以堅持新的習慣：回憶、閱讀、記錄。

見到佢本簿仔，密密麻麻都是記錄着他看過書的內容。

～不是因為生活變好了你才快樂，是因為你先快樂了，生活才變好。～

所以，繼續講改變孩子的書：中文書。

上篇記錄個仔閱讀的非小說類型的英文書，而然，中文書小說類型的，我之前有記錄金庸小說、倪匡小說、慶餘年、流浪地球等等，就是看不見有非小說類型的中文書，咁啱今日我馬上就遇到了。

仔正在興高采烈地閱讀着我推介的一本書*，然後

突然大叫：「正啊」「好睇呀」

我「睇到邊度咁正呀？」

仔「快速寫作」

我「咁有冇用呀？」

仔「我宜家要拎張紙開始做練習啦。」

一會兒．．．做完了．．．

仔「要夠鐘訓覺啦，我聽日要作文啊。」

我「做書裡的作文？」

仔「對啊！」

見到他興高采烈地去睡覺，我還是不敢相信眼前這一切。

～又不是故事書，為什麼會讓人興奮呢～

故事係這樣開始的：

有一日，個仔返到屋企好唔開心，中文作文做唔晒，見佢垂頭喪氣的樣子，我都好想幫到佢。

～令他有興趣～

我問「寫多啲得唔得呀？」

仔眉頭皺了一皺。

我只好轉移話題「你覺得用科學嘅角度分析中文作文，有冇可能呀？」

仔眼睛閃了一閃「科學嘅角度分析中文作文，可以嗎？」

～令他會相信～

我繼續「我知道有一個腦神經學家，用腦科學嘅原理嚟寫作…」

「你覺得咁樣行唔行得通啦？」

「仲話可以讓讀者可以快速成文，並且寫出吸引人的文章。」

仔「我好想知多啲喎」

我「我咁啱有嗰本書，但簡體字的，你應該睇唔明嘅」

～令他會執行～

仔「send俾我睇吓」

跟住就好苦惱「簡體字睇唔明」

我沒有理會他。

仔續「爸爸，我睇唔明啲簡體字」

我「咁你諗辦法喎」

仔「諗唔到啊」

我「嗱咁樣，Epub咁嘅電子書，上網有得Online成個檔案由簡體轉繁體」

然後我一步步講給他聽

「唔使30秒成本書就變晒繁體啦，其實你Google下都識點做，下次自己研究吧」

仔「知道，謝謝」

之前寫咗一篇：你不能改變他，但是可以影響他

咁到底點樣影響他？

有目標- ＞使他有興趣- ＞令他相信- ＞讓他行動

咁就開始咗佢嘅中文工具書之旅了．．．

生命就像一首交響曲，你的旋律跟我的旋律在某個時候交織在一起⋯⋯

-

*寫作腦科學：屠龍的高效寫作指南

屠龍的胭脂井

本書的作者楊瀅（@屠龍的胭脂井）是－

| 美國卡內基美隆大學生物醫學工程認知影像科研教授

《寫作腦科學：屠龍的高效寫作指南》一書由腦科學博主屠龍的胭脂井（楊瀅）所著，旨在幫助讀者告別寫作困難，寫得又快又好.

本書內容包括：

• 寫作技巧 介紹了每個人都要掌握的寫作技巧，是讓讀者可以快速成文，並且寫出吸引人的文章。

• 腦科學原理 從認知科學的角度分析人類喜歡的故事與文章結構.

• 快速寫作 如何快速寫出一個段落，並根據腦科學原理迅速構建故事.

• 五大寫作原理 介紹如何寫出吸引人的文字（腎上腺素）、如何激發讀者的「代入感」（鏡像神經元）、如何讓讀者覺得高潮迭起（多巴胺）、如何讓文字昇華（GABA）、如何激發讀者的內心情感（催產素）.

• 故事建構 講解文字流暢連貫的秘訣.