只要很少時間讀書都可拎A*

 這篇我想講俾朋友聽，唔好放棄自己個仔，如果好成績唔使用好多時間，還是值得一試的，他們的將來或多或少會影響着你。雖然讀書成績未必一定有用，但是讀書或者學習技巧將會影響他們的終身 ⋯⋯

之前寫過一篇紀錄，讀書之外：睇唔到仔有讀書做功課，我擔心了。

同朋友食飯，話題都係講D男仔唔讀書，而我都係一樣，點解大家都唔讀書，都係臨急抱佛腳，成績會差咁遠？

我以前一直以為，一定係人哋偷偷地回家努力的成果、或者去了補習、或者天生？

直至我睇住個仔，真係成日都唔洗讀書⋯⋯打波、捉棋、比賽、社交、youtube、打機．．．未測驗考試我已經擔心了…

「你要補習嗎？」

「勤力多少少可以嗎？」

「你溫完書啦？」

之前講完中文數學，今次好奇，物理、生物及化學predict A*. 明明唔見讀書喎，點解呢？

我今次真係忍唔住問仔：「Physics 、Chemistry 、Biology 如何可以拎A* ?」

仔：「首先要明白了」

「然後記低個Syllabus｣

我：「😮，就係咁簡單？」

「咁要記幾耐？」

仔：「考試前記一記就可以啦」

我：「唔會唔記得？2年課程喎，有遺忘曲線喎」

仔：「所以咪要睇本書：Make It Stick: The Science of Successful Learning」

我：「咁我都要睇吓先」

仔：「你又考試咩？」

我：「因為這句Memory is the mother of all wisdom by Aeschylus Prometheus Bound，我決定開始睇了」

我續「多謝你介紹」

似乎我的智慧開始得太遲．．．

我會繼續了解個仔如何讀書，但我現在先做一些筆記然後要開始看書了．．．

重複閱讀、集中練習，並不會讓我們記得更牢

即係你讀一次同重讀十次，效果可能差唔多。以為努力了，但沒有結果。

何謂有效學習？提取、間隔、交錯、變換練習、生成效應、詳細闡述。

唔好不斷重讀、唔好盲目總結、唔好螢光重點

～不要讓學習像在沙上寫字，今天存在，隔天就不見了。～

後記：朋友問我是否一定要看書？

我：睇Youtube都得，我問左個仔，佢話先睇這條片：