之前寫開繼續寫埋，參考返之前小二學習小結格式⋯⋯
其實考完試，我無乜嘢想寫，應該係輕輕鬆鬆放暑假嘅時候，個仔最近已經唔玩扭計骰，反而玩Kahoot! 呢個我都唔識玩，然後又用Scratch jr coding整卡送俾我，同睇書，學校借既書唔計，因為中文閲讀計劃已經唔只214本，多到我都數唔到。係屋企，中文書睇緊衛斯理，英文書睇緊Mr Stink - David Walliams。我覺得D書好厚，帶出街已經冇以前咁方便。
今次又寫一寫考試成績，雖然我已經沒有參與了，只係事後睇返。
最好一直都依然係數學，三年級是乘數表的時期，但我想講其實我沒有叫個仔去背乘數表，後果係計乘除計得好慢，也沒有去做任何嘅操練，不想他數學太早跑得太快太遠。現在最重要係培養數學興趣同埋打好基礎，缺點只係太多不小心及不必要錯誤。
然後到英文，由細細個開始一直最擔心係英文，因為始終英語都唔會係生活上嘅第一語言，幼稚園同屋企都係用中文為主，需要花時間花心機額外學習，而且我特別重視，始終將來大部份學科都係用英文考試。成績與預期一般，只是我們應該要開始多重視Grammer，錯誤太多是會影響writing分數的。
最後到中文，一直都以為由細細個開始以中文為主，中文都應該不成問題，甚至可以輕易達到中上的成績，但成績都係與之前一樣，中文作文也是需透過支持達到要求。中文認字都唔係最大問題，反而係結構複雜容易出錯及寫唔出。
其實我很多也沒有理會，不應寫太多。有需要時，再出手吧！
但我同個仔講，要求他讀書讀慢一點，讀得太快只知道書中內容，好詞好句也浪費了。
人生也是一樣，有時候是需要慢慢細味的。
女老師叫我們問兒子設定計劃及目標，說真的，中英文科只剩餘writing需要額外嘅支持，其他也感覺良好，但其實一般男孩子，都是十分懶散寫字，需要突然「叮」一聲的，才有動力要求自己。
這一下「叮」，有時候是需要慢慢找尋的。
我反而希望幫助他這一下「叮」。
