We did it : 恐龍課程海報通知

第一次同埋個仔一齊讀書考試，全靠佢鼓勵同幫手先畢到業，期望下個月我們一齊去HKU拎poster

#我們成功畢業了
#香港大學恐龍課程
#好難同個仔夾到時間
#估唔到靠個仔先畢到業
#為咗poster可以去到幾盡

英文發音：小丑．皇冠；Synonym同義字

每日一句日記：

個仔打完tennis返屋企做功課做到十點先做完，結果日記只好休息一下。
--
英文發音：小丑

我今天也很忙，比較遲返屋企。
一入門口見到門口換了對小丑拖鞋，就問個仔小丑英文係什麼，想問下對拖鞋係是誰的。
「Clown」仔答。
「Crown?」我問。
「No, Clown and Crown is different. one is with R sound and one is with L sound.」仔答。
「咁有冇分別？可以讀多一次嗎？」我問。
「Clown係小丑，Crown係皇冠」仔答。
似乎佢真係分別到發音微小的分別。
--
Synonym

見到依份功課，我都要認真諗下個仔做得岩唔岩，個個望落好似又差唔多。

#似乎我都要努力讀書
#不進則退
--
edX

上完恐龍課程後，心思思又想上堂

#edX@清華
#我好鍾意個course syllabus
#今次我要自己讀
#唔俾個仔參與

打鼓．不讚叻只讚勤

每日一句日記：

個仔打鼓升2級：

最初又話鐘意鋼琴，結果堅持了2年後放棄，因為佢完全唔練琴，打鼓似乎簡單點，睇下今次又堅持幾耐。

收到Khan電郵：

唔係好明點解我會收到，我老婆又無收到，個仔Khan戶口用老婆的電郵，我個戶口只係學過Disney動畫啲野，
不過佢電郵提到唔好直接讚小朋友叻就同我理念一致，其實教小朋友我只是新手，都係果句，寫下野等自己關心個仔多點，不然我只會越來越不管不理。

#不讚叻只讚勤

Learn why I'll never tell my son he's smart.

#You can learn anything

從村校到名小(2)．寫詩

每日一句日記：

有功課其實有乜咁出奇要記低🤔

今日太忙，無時間理過個仔，

到佢訓左覺，睇下佢啲功課先發現，

佢寫了首詩，第一次見，記錄一下啦。

月亮在大地上帶路，好似好正好有詩意咁⋯

--

朋友同我講，決定俾個女入名幼，或多或少受到我影響，但學費五千幾蚊，我反而叫佢都係諗清楚。

我個仔就讀村幼，無錯村校係好有愛心及教得好好，但我也分享了不足地方，主要係學習方面：

百分之九十幾都係用中文教，我也用了額外時間教個仔故事加基礎漢字，我以為在升名小後應該也有中上程度，不用擔心，結果，現在最擔心的反而是中文。

到英文，村幼教學一定少機會，為了個仔可以自已讀英文書及多點機會接觸英文，而出外學phonics，一星期1至2小時的時間，當然不夠，結果個仔升小一後需要額外精神上堂，講英文時也被稱為港式英語，需要改善及注意。

不過，越細個越小年紀，言語學習進度就越快，小朋友很快可以適應。

到數學，我有特別方法幫他，一向都係最叻果個，點知升小後一山還有一山高，不過反正他也是中上果班，我也不用煩惱他這科了。

到底，學習是小朋友天資重要啲，定好學校好老師好同學重要啲，或父母付出重要啲🤔

反而我才剛開始硏究，幾年後，我應該會了解更多⋯

但我最想硏究的，到底簡簡單單小學加初中後留學外國高中大學好，定國際學校後香港讀大學好，捉啲公司新同學硏究問下先。

輸左咪再黎過．安慰輕撫個仔

今天，唔記錄個仔日記，我們看完美女與野獸，

飲完茶就回家做功課，就是他兩天過去也沒時間做功課。

正如套戲話

#凡事唔好只睇表面

#係你既始終都係你

今天，又令我諗起2年前小學面試，

「最近有冇參加比賽呀？」副校長問個仔。

「有呀，參加了xx比賽呀，可惜輸了。」個仔答。

「咁咪好唔開心囉？」續問道。

「有少少失望啦，但唔緊要，輸左咪再黎過。」個仔答。

突然，我覺得個仔長大了。

今天，個仔情緒十分唔穩定，有時突然在哭，我們也莫名其妙，我通常也會逗他笑，說說笑話，多數也可破涕為笑，說說笑話行不通時，也可說說安慰說話，說說道理，但總有失效嘅時候。

小朋友發脾氣，有時很簡單，就是疲倦眼訓時，我換了換一個方法，將孩子拉到自己身邊，用手輕撫他的頭髮他的臉龐，發覺這個方法效果奇佳。

有時，安慰別人的心不是說話，凡事盡在不言中。

#點解佢會唔開心

#一個七歲小朋友

#輸左咪再黎過

#777

聽個仔讀英文故事書．名幼光環持久力

每日一句日記：

今天我去了海洋公園

個仔去了English and Science field trip，我都好希望自己細個讀書可以在公園一路玩耍一路學習，咁樣真好開心。

--

今晚聽了個仔讀了六本英文書給我聽

（偷錄)

還記得上年這個時候，個仔讀英文搞到我被教訓有幾個問題：逐個字逐個字讀，廣東話式發音，字尾發音冇晒⋯

似乎今年進步左唔少。
--

今日聽同事分享佢仔仔嘅故事：

幼稚園嘅時候讀根德園，小學嘅時候讀屋企附近小學。

佢嘅仔仔而家小四，小一嘅時候個仔不需要讀書考試已經名列前茅是全級那種，做父母自然開心，於是俾個仔任玩開心學習；到小二嘅時候個仔都不需要讀書亦都考得好好，於是繼續俾個仔任玩因為學習沒有任何問題；到小三嘅時候個仔繼續唔讀書任玩，上學期勉強應付到，到下學期已經開始跟唔上，同事開始緊張，最近開始俾個仔放學之後上功課輔導班，每日三個小時，一個月二千幾蚊，做好晒功課溫好書先返屋企，佢嘅目的係唔想因為功課影響父子關係，佢話如果個仔嚟緊學習冇改善，決定加辣，已經同個仔講左，因為好快呈分試，佢擔心個仔派中學派得差。

我覺得佢個仔嚟緊會好辛苦，唯有叫佢放鬆啲。

中文太弱 - 進步中

每日一句日記：

其實老婆勞氣個仔為了做功課，過了9點都未瞓覺，激到心口痛。

--

繼續上次學校中文功課「創意空間」：拼音字取代不懂的字

http://mykidnme.blogspot.hk/2017/03/blog-post_3.html?m=1

及中文太弱：兩個小時寫兩句中文後

http://mykidnme.blogspot.hk/2016/12/blog-post_19.html?m=1

又黎新一份中文作文功課，在一頁13x14格仔中，一頁填滿可以寫上182個中文字，今次個仔寫了2頁半紙(佢話比自己目標係每次都寫3頁紙，估唔到佢自己會要求自己)，2頁半我計大約最少有400字，今天用了約3小時完成，拼音字比上次減少一半。

唔肯定寫日記有冇影響，因為只開始左大約20幾日，但可以肯定係進步中，我估計除咗寫日記外，中文閱讀計劃書籍已達到135本也有一點影響。

我嘅目標係希望佢呢份「創意空間」嘅中文作文功課可以在一個小時內完成，同埋我唔想見到每一兩行就會出現拼音字，大大影響文章嘅可觀性。

#中文繼續進步

#第100篇文章
#估唔到自己堅持到咁耐

親身體驗細節

今日竟然無寫日記，

真係嬲到反枱：

(╯°□°）╯︵ ┻━┻

其實我網上見到依個反枱符號，真是好鐘意，所以要搵個藉口用下。

今天個仔跆拳道，功課又做得耐⋯

咁我今日都唔寫咁多啦，只想寫一件小感想，就係：

「有些事情，只有你親身體驗，才會了解明白箇中細節。而所有大事發生前，是由無數小事而成，也蘊含無數細節。」

學習理論容易，了解細節困難。

朋友考入名幼

每日一句日記：

17號：今天學校是早放學

18號：

19號：今天我吃了爆谷雪糕

--

朋友參考了我的建議後，小朋友成功考入了學之園，證明我嘅觀察係有道理，真的喜恭他。

#複製成功

--
沒有了個blog apps寫blog好唔方便，明明日日用好地地，無那那update完就用唔到，好唔開心⋯

盡力 vs 放棄．TED-ED vs 打機

每日一句日記：

--

「恐龍課程 - 盡力 vs 放棄」:

答應左個仔只要每天做好所有指定任務之後，多餘所有時間都可以用來打機。

點知今日佢除左做晒啲野外，還自己獨力地嘗試完成港大的恐龍課程。

第六章剛剛開始，但是我們還是在第二章的進度，還剩下約一個星期的時間，

我忍不住開口「我們都係唔夠時間，不如放棄啦」，

個仔望住我，

我繼續講「點計都係唔夠時間完成，拎唔到個海報架啦」，

然後他淡淡然說「做得幾多得幾多啦，唔好咁易放棄」，

我好欣賞個仔嘅堅持，佢簡直令我另眼相看。

但點解佢有咁嘅行為模式，我還在思考背後嘅原因。

--

「TED-ED vs 打機」:

其實為咗防止佢一開網頁，就開始打機，昨天晚上我特別加入一頁TED-ED，還把它加入主畫面。為了吸引佢嘅視線，我把他正在學的Pi搜尋並放在第一頁，然後返工耐心嘅等候結果。

正如我所料，他看了數個TED-ED的視頻。

然後我教他還有題目可以思考測試自己嘅了解。

不知道這個安排會否改變他的打機行為習慣，但最少結果顯示今天他沒有打機，證明我成功了「一天」。

自創急口令．五隻手指法則

每日一句日記：

 

咁有心機寫小數點後數字，仲要咁長

--

個仔自創的急口令：

Back pack is black and it need to get to test but i have a pest 

🤔

--

Five Finger Rule

今日個仔又借了6本英文書，打開他的閲讀計劃，又一次看到「五隻手指法則」，不過我留意個仔未必跟著法則去借書，他對我說過會借一些簡單一點的，為了快速地完成閲讀計劃，古古惑惑咁，目的與某些同學鬥多。

去年才第一次聽這個「五隻手指法則」，教導如何幫助小朋友選擇合適的書籍，尤其是剛剛開始閲讀的小朋友，太困難的書會影響他們閲讀的興趣。但當他們養成閲讀習慣後，我已經放手小孩自己選擇有興趣的書。

 

打開本書任何一頁，開始閲讀，每當遇到不懂的字時，舉起一隻手指。

調位．疲倦影響學習．Pi day

每日一句日記：

 

記得我細個小學果時，我只會與鄰位或好傾的同學相熟。如果我細個好像個仔學校咁定時調位，相信可能會有更多發現。不定時調位，每2年調一調班，朋友可以有更多。

--

疲倦影響學習：

個仔回家第一件事就是說要睡覺，疲倦是可以累積的，剛剛今天也是默書挑戰，第一次聽到個仔說默書的詞語不懂及不記得啲字如何寫⋯

--

原來今天是Pi day...

 

度假營前後．媽媽是笨蛋？

每日一句日記：

昨晚，我才睡了三個小時啊！

在一個陌生的地方，真是很難讓人睡得好，大人同小朋友都是同一情況，個仔寫住瞓咗三個鐘，而我卻只是瞓咗四個鐘。

坐地鐵時偷影個仔：

 

跟其他家庭一齊去遊玩，個仔有很多小朋友跟他一齊玩，大人有大人吹水，小朋友有小朋友玩，各取所需。

不過我留意到幾樣野：

1. 喜歡看書的小朋友情緒比較穩定。

2. 喜歡運動嘅小朋友比較合群。

3. 喜歡吃東西的小朋友比較高大。

4. 好多小朋友喜歡以物換物，但大人總覺得小朋友換埋啲垃圾返嚟。

大人的世界中是用錢去衡量物件的價值，並會用自己嘅價值觀去教導小朋友。

5. 我個仔係最聽指令嘅一個，但係最唔識得幫自己爭取野嘅一個，俾人搶咗啲嘢，不懂自己去爭取回來。

呢種聽指令的小朋友是老師的最愛，但是卻是我最擔心的，因為世界是弱肉強食的。

完咗之後去西貢玩左一陣，

男仔的浪漫：

 

不同的生活方式下，他們會有怎樣的將來呢？

--

媽媽是笨蛋？

 

聽個仔講笑話．成功感

每日一句日記：

 

實驗結果顯示，跟我期望一樣，每日一句日記應該會寫得越來越長，因為太短未能有效地記錄自己想法。

做事成功元素：「開始」與「堅持」後，

重要是什麼？就是：「成功感」(起步目標容易達成)。

--

聽個仔講IQ題(我覺得似笑話多啲)

1. 嫲嫲生日，小明祝嫲嫲生日快樂長命百歲，點解嫲嫲會唔開心呢？

2. 然後仲講咗幾個IQ題但我忘記了...

答案在文章最後，不過我還是喜歡他用英文講笑話給我聽，因為我一來只需要笑而不需用腦思考，二來他說英文比中文好聽得多。

--

恐龍課程：

 

個仔堅持一定要他在場的情況之下進行課程，但同意我可以不在場，即是什麼意思呢？就係我做的時候他一定要幫手，但我可以放手讓他自己做。

結果，因為我比較忙，我只好讓他自己做。

我們先約法三章，如果錯得太多時需要等待我有空才一起做，然後我們各有各忙。

做對第一題時，他興奮地對我說「爸爸，第一題做岩了」我「噢，好犀利啊！」

然後第二題時，他又說「爸爸，第二題都做岩了」我「😲，咁難都做岩」

（唔好以為個仔是天才，做題目前需要充足準備，首先將題目先看一次，然後將題目所有不懂的字快速地查一遍)

用google翻譯影相功能可以快速做到：

 

 --

答案：

因為嫲嫲已經99歲，慶祝生日時剛剛100歲，長命百歲已經到了⋯⋯

HKU恐龍課程．不哭咒語

每日一句日記：

 

個仔對我說「我需要練習」

我回答「練習新歌你自己安排，有需要幫手早點出聲，我們不會為你安排的」

--

恐龍課程，有趣的對話：

 

今天收到電郵通知合格畢業後可獲得這海報，

我對個仔說「我好想要呢張海報，為了追上進度及拎到合格分數，我希望自己上課，不需要你幫手了」

仔回答「但沒我幫手你常常做錯喎」

我諗一諗答「又好似係喎，咁點算好呢」

仔答「你都係等埋我啦，聽日繼續」

可惜我們現在還做緊week 2，但已經week 5已經開始了，原來只剩下兩個星期點算好呢🤔

轉眼間個仔已經瞓咗，唯有聽日追問下佢點算好先

--

今天聽「愛哭公主」這本書

 

我對仔說「下次你哭的時候請唸不哭咒語給我聽，很好聽哦」

 

然後他很開心把不哭咒語唸了數次給我聽。

--

英文今天把餘下兩本書讀完，共五本完成。

 

面對小朋友的學習

每日一句日記：

我對個仔強調「請用中文寫，如果你喜歡英文，可以在一句中文後無限地加入任何自己喜歡的東西」

 

話說英文圖書好耐都冇得借，一有得借，個仔一借就5本，仲即時讀左3本俾姐姐聽。

終於睇到個仔寫果篇所謂3頁中文故事，我對他寫的故事無乜特別感覺，反而好欣賞老師寫的感想，值得學習。

隨想：

每個父母都擔心自己的子女吃不飽，

很多時候都會給子女很豐富的套餐，

有些人會吃得很輕鬆，

但是有些人卻吃不下，

很輕鬆又很快吃完的，

一點問題也沒有，

會很快樂地成長，

問題反而是那些吃不下的，

吃不下的原因多是太瘦弱，

父母見子女太瘦弱又想他們吃多點，

子女反而覺得自己吃得很辛苦很慘，

父母可能會知道子女是吃不下的，

但不會明白他們已經吃得很痛苦，

痛苦的感覺只有子女才明白，

但父母的感覺是覺得對你好，

對你好這種感覺是沒有痛的，

其實學習也是同一道理⋯⋯。

而我特別明白吃不下的感覺，

因為我小時候身體太瘦弱了，

而且還有學習能力也特別弱。

聽個仔講中英書．測試數學．踩地雷

每日一句日記：今天不用游水

所以特別多時間，首先聽個仔講中文書，聽他說一次後，

他說他知道為什麼這本書得獎..

 

我被他這句話吸引，開始一齊討論硏究為什麼得奬。到底什麼是Caldecott Medal？一本1957年得奬的書，及有關其他得奬書：

http://www.ala.org/alsc/awardsgrants/bookmedia/caldecottmedal/caldecottwinners/caldecottmedal

之後我們想像到底這本英文書是怎麼樣的，個仔居然想嘗試將中文翻譯成英文，真是好笑，然後我發現個仔今年已經讀了120本中文書給我們聽。

--

然後聽個仔介紹英文書

 

他剛剛看了一半，跟我解釋這本書有什麼好看，然後我說這本書曾經改編成電影，有機會可以看一看。

--

到最後睡覺前，還要看一看數學書。

其實我們一直擔心沒有叫他背乘數表會影響他計算能力和速度，於是我再一次問他要不要幫他背乘數表，但他反而叫我們測試他一下。

7x8, 6x7, 9x7, 6x8, 11x12, 11x13, ..etc..最後13x13.

心算，很快，居然全部答對。

証明學數學是不用背乘數表的.

--

仲有時間打機，我親自教他打minesweeper踏地雷「俾人見到一定話我教壞晒，我係那些會教仔講大話的爸爸，不是教他識講，而是他講得太差，我看不過眼(你不要在我面前說謊，因為不需要用，但需要用時請把我騙過，不然請不要用。)」

 

幫個仔剪頭髮

我的頭髮也是我爸爸幫我剪的。今次決定自己幫個仔剪：

其實今天也有很多難忘事，但個仔在「每日一句日記」也記錄著它，代表著這是今天最難忘的事。

由個仔一出世後，他的頭髮我就希望可以親手幫他剪。可惜，我就係唔識剪，不懂剪勉強剪的後果就是'醜'，所以一直在髮型屋剪好了，快靚正。

直至一次，一個髮型師朋友幫我個仔剪過之後，我一直也找不到比佢剪得好的人。其他人剪我又不滿意，要求高的人比較難妥協，Never Settle for Less! 本來有人剪得靚咪交俾人剪好了，點知又唔收我地錢，虧欠别人的感覺令我很難受！最後我啲起心肝決定拜師學剪髮，估唔到佢一口答應。

佢話只會快速剪一次我睇，同埋會講一次幾個要點。經佢解釋之後，我終於明白最重要的一個步驟，兩邊剪得靚既重點。

當然到我下次剪既時候已經過了一個月，我只有能力剪好兩邊，中間部分還是剪得一塌糊塗，於是我決定上網學習，youtube真是一個好工具

其實有好多教剪頭髮嘅影片，終於搵返個與朋友教授相似嘅影片可以延續落去..

https://youtu.be/LQSTk_n2MPs

剪過幾次練習後，相信我已經有8成專業髮型師的功力(只限於幫自己個仔剪)。

仔仔教中文：幾時用「今．令」

「考一考你，你知不知道什麼時候用'今'，什麼時候用'令'，幾時有一點，幾時沒有一點？」個仔問我。

 

 

「不知道啊。」我真是以為有特別原因

「當in n尾發音時就用'今'會少一點，當ing ng尾發音時就用'令'會多一點」個仔答

「😮😯😮😯😮😯😮」我目定口呆

金錢觀：鬥有錢．賺錢多

「讀不成書的人賺錢更多？」

駕車時，聽到電台節目主持人講，印象中身邊讀不成書的朋友賺錢遠超過讀書好的朋友。然後補充，一班同學裡讀書好的30%大部分最後成為專業人士，而專業人士賺錢的能力全部在計劃預測內，但其餘的70%讀書差的，正常工作下賺錢能力當然有限，但如果𥚃面一樣有30%機會在一些特別機會下賺很多錢，就會給人有錯覺，讀書差反而可賺大錢。就是因為讀不成書的人佔大多數，只要少許成功機會率下，人數就會好似很多。

i.e. 機會率計算

當身邊朋友100人：

讀書好30人，20人專業人士，成功率66%

讀書不好70人，21人在機會下賺大錢，成功率30%

朋友中21人讀不成書比20人讀成書的人多，又賺到錢，那是否應鼓勵賺到錢不需讀書？

讀還是俾心機的讀，在不可預測的未來去增加自己的成功率才重要⋯⋯

 

 「鬥有錢，點解人有我冇？」

我發覺現在，要擁有一個正確嘅金錢觀真係越嚟越難，唔好話擔心自己個小朋友嘅用錢方式，就算連自己都開始動搖。

返到公司，請嘅人大部份都係富二代，一係國際學校畢業，一係外國名牌大學畢業，一係屋企做生意同時擁有多部名車，入嚟做嘢都係攞工作經驗，學完野就返去幫老豆管理業務⋯⋯

到朋友圈，尤其是有facebook後，一係見到入馬會騎馬，一係見到旅行去滑雪，一係遊艇出海⋯

無那那whatsapp都收到朋友寄來的遊艇名車推廣資料相，不停引誘你⋯

到同個仔返學校，又係另一個名車展覽⋯

就會喺度諗，喺度懷疑自己是否都要咁樣，都需要買返一部名車，開始動搖要否改變下自己嘅生活方式等⋯

自己咁大個人都會動搖，更何況一個入世未深嘅小朋友。當自己不斷同人比較，小朋友又會點諗呢？

從小開始教導小朋友唔好同人比較，要比較就自己比較自己有冇進步，我亦都不斷提醒自己唔會搵個仔去同人地比較，要知道你跳得高時我跑得快，魚類游水快猴子爬樹叻，好難比較。

小朋友嘅屋企有錢，可能係佢嘅父母有錢亦都可能係佢哋嘅上上一代有錢，富有並不一定代表叻，有錢只係而家嘅一個狀態，並不代表永恆擁有。

個仔鐘意可以同其他小朋友比較邊個努力邊個考得高分，但唔應該比較邊個有錢啲，有錢是他們的父母，他們所擁有嘅野全部都是他們父母買給他們的，根本唔值得用嚟炫耀，因為呢啲金錢同物質與他們嘅努力同能力完全無關，最多只可以話佢父母嘅功勞或者上上一代嘅努力成果。

金錢可以有很多用途，但消費背後是否自己真正需要的東西⋯人有你有真的會快樂嗎⋯⋯

自卑的人喜歡炫耀

教仔寫一句日記

知道個仔中文作文太弱，只好想辦法幫他。

不過根據個仔最近說，學校課室裡寫的「創意空間」，他寫了三頁(還說其實可以寫四、五頁)，被老師稱讚寫得很好(可惜我未看過)，我問他三頁裏面不懂寫的字怎麼辦，他說全部用拼音代替。

現在可以確定作文用字對他是困難，到底他還有沒有對思考作文困難就未能確定了。

為了先讓個仔習慣思考作文用字，又唔想他出外補習。一直都反對補習，尤其是學術科目。所以今日見個仔有空一點，於是督促他寫日記。

跟之前同意一樣，可以每天只寫一句。

一切由最簡單最容易達到開始⋯

「我想寫今天天氣很好」仔跟我説

「可以的，但不可以寫很好很壞咁籠統，你可以寫很晴朗，很多雲，很大雨，很⋯」我説道

「咁我寫今天天氣晴朗」仔說

點知晴'朗'的朗唔識寫，教他寫完，結果又少了一點，可能他以為'即'。

 

（pic from slideplayer)

習慣成自然

今天有點事遲了一點回家，就收到老婆電話，其實果時仲係七點幾，話個仔問我仲乜咁遲仲未返，係咪有乜事？其實係我最近特別早返屋企諗住陪伴個仔同關心下佢，個仔已經習慣了我早回家，習慣左就無問題，有啲唔同就會覺得奇怪⋯⋯

個仔終於做完了science project presentation，原來每人只有五分鐘時間講個presentation，其實我都唔知只有5分鐘，係屋企做rehearsal時，第一次我估個仔用了2分鐘左右，個仔要求第二次同第三次，結果我都係忍唔住示範下，見佢一路睇一路笑，估唔到佢接受我嘅方式後，搞到佢最後完了5分鐘時間都講唔曬。

完左science project後，居然又有個english project..唔怪得老師講唔洗擔心小朋友怕羞，有大把機會俾佢出黎講野...