個仔考完試，其實都有好多野寫，未知成績，所以記下他的努力。
【飛輪效應：讓你的成功停不下來】
飛輪效應（Flywheel Effect）是指，為了讓巨輪轉動，一開始必須花很多力氣，但只要到了臨界點，飛輪的重量會變成推力，讓你不須努力，也可以獲得千百倍回報...
之前寫S-curve，是一個趨勢性的觀察，在實際操作中，我喜歡飛輪效應，每一件事件在我眼中都是一個飛輪，每一個大大小小的飛輪，連動着整個的系統．．．
我曾經寫過希望給個仔‘叮'一聲 - 「男孩子的覺醒」，以前都不太明白，慢慢地，在親身的經歷之後，就是幫他推動一個個的飛輪，每個的飛輪大大小小，小的飛輪係容易推動，但也很容易停下來，大的飛輪很難推動，但開始了成為一個慣性，便不需要花很多力氣。讓一組飛輪開始轉動，就好像是叮一聲醒覺的感覺。
踏入新一個學期開始，個仔突然間努力了很多，而我最近也忍不住出聲…
事件一：心流
我：「仔，休息一下吧⋯⋯」叫了幾次之後⋯⋯
仔：「哦。」之後繼續埋頭讀書。
事件二：零碎時間之記憶提取
考試期間，我們吃飽飯一起行街，然後..
我：「仔，要不要早一點回家溫書？」
仔：「我已經喺度溫緊書了。」
我：「但係你冇拎住本書？乜都唔使睇？」
仔：「唔使拎住書都可以溫書的。」
我：「The Queen's Gambit?望住天花板溫書🤣」(原本係望住天花板捉棋）
仔：「🤣」
事件三：自學
我：「放假仲有上堂？」
仔：「這個老師無教但有用，所以我自己去學返。」
我：「哦，上網自學，加油。」
咁到底點開始？
就係推郁佢一個個小小的飛輪：
第一個飛輪：遊戲
呢個係最容易推郁嘅一個飛輪，任何小朋友都鍾意玩，教佢哋唔同類型嘅遊戲，從遊戲中學習。
第二個飛輪：運動
呢個應該都係一個好容易推郁嘅飛輪，運動好明顯係會令人心情愉快，我特別強調要有團體運動，一起贏一起輸的感覺，明白團隊之間的互動。
第三個飛輪：音樂
除咗美妙嘅音樂之外，學習打鼓彈琴等樂器，可以有效鍛鍊左右腦。
第四個飛輪：博弈（下棋）
學識捉棋好重要，除咗係一個抽象嘅遊戲之外，腦部需要更高維度的思考：全局思考、預測、分析、判斷的能力。
第五個飛輪：心理學
有效地預防偏見，對於我哋看待解決同分析問題十分重要，當然心理學不是偏見這麼簡單，對於人生有一個重要嘅影響。
第六個飛輪：看書
之前講了很多看書的好處，其實最重要係你身邊圍繞的朋友十分局限，睇書就係好似認識咗一個好有學問嘅新朋友，給你一個新嘅觀點同角度。
．．．．上邊的飛輪我覺得已經開始有效地轉動，有啲飛輪可能我推咗沒有記錄喺度，唔知有冇遺漏呢，但重要係，「巨輪開始郁動了」，但仲未有效地轉動，所以我會轉向下一個飛輪，到底嚟緊嘅飛輪轉咩呢？
我會一步步記錄下來。
但，那個飛輪最最最重要？
我會話「睡覺」。
在睡覺過程中，是我們大腦處理資料及重整記憶的時間。
睡眠不足將會破壞我們的學習及成長。
結論：其實可能係我諗多咗，只是考試內容多了，個仔要用多啲時間溫書，感覺努力了，而且努力多了也不一定成績會好了，但無論如何，我覺得這
～努力是值得被記錄下來的。～
