仔上學期考試後有一天說「我A Maths 考試滿分」💯*
*其實普通數學也是滿分，只是附加數學2份卷也同時滿分。
然後觀課日，有2個家長話「你兒子數學好叻呀」
「好叻？」😮（心只諗起測驗都做唔晒）**
-
見到姪子姪女好努力背乘數表，不停互相對問對答。
之後問我個仔「哥哥，我哋一齊玩問答比賽，7x6等於幾多呀？」
仔答「好呀！一齊玩問答比賽」
玩左一會兒，姪子姪女忍不住問「哥哥，點解可以計得咁快？」
然後個仔教起了印度數學*及計算技巧．．．
姪子姪女聽得聚精會神全神貫注的樣子，十分有趣。
「你到底有冇背過乘數表？」我忍不住問仔。
「我沒有背過乘數表啊」仔答。
「那到底唔背乘數表會影響數學嗎？」我問仔。
「似乎沒有影響」他說。
我背乘數表長大的，有時候還要想一想才回答，而他回答比我還要快呢，我開始懷疑自己小時候為什麼要背乘數表呢。
再然後了解一下好叻係乜先：
-
個仔拎滿分，當然係比掌聲，就算佢唔係拎滿分，我都喜歡稱讚佢，稱讚佢嘅努力。
但今次，我想了解多啲係我特別想知佢點睇？究竟佢嘅心入邊諗啲乜？
應該冇乜人好似我咁，但係我就係咁嘅人。
記得今年第一次A Maths測驗，個仔仲話做唔晒．．．個樣好失落咁。
但原來今次考試，A Maths 仲2份卷都拎滿分，以前每次數學既careless mistakes 都無出現先可以拎到滿分。
～那，個仔究竟宜家嘅心入邊諗啲乜？～
佢答我：「好彩」。
究竟點解係「幸運」？
仔答：因為A Maths啲題目困難，其中佢唔小心中間寫錯了，計唔到落去，所以先知道不小心寫錯了。如果普通數學，可以勉強計下去，就不會發現自己做錯了。
～不小心的錯誤～
然後佢又總結了2點減少不小心錯誤的方法：
- 不要貪快直接跳到答案。中間寫多一點過程，可以令到自己分析後才出答案，減低錯誤嘅發生。
- 多用System 2*完成及對卷，降低對於System 1的依賴，尤其是做過似曾相識的題目。(書：快思慢想)
*仔補充不過用system 2太多，有機會做唔晒，太慢。
然後，我覺得可能也是幸運，因為
**（第一次測驗做唔完，我仲諗緊要唔要幫手，
然後又聽仔說岩岩下學期測驗又係做唔完⋯⋯）
今次了解佢諗乜，下次不是幸運再了解下佢做過啲乜嘢先。
當然有這種思考方法，必然會增加幸運機會的出現率⋯⋯
“你不是一張彩票”，但你可以通過仔細計劃並可能通過適應來最大程度地減少不確定性。
無論如何，繼續追蹤下去，看看是不是真的運氣吧！！
-
# 那到底唔背乘數表會影響數學，我諗我細個應該背默能力和技巧不足，只是死記容易背錯。
到個仔，佢先將乘數用手處理好多次，然後潛移默化咁記左，類似圖像記憶法，我估計背後原理應該係咁樣，記得深刻啲之外又減低了錯誤機率。
