讀書之外：睇唔到仔有讀書做功課，我擔心了

 

今年個仔先後加入了籃球隊、國際象棋隊、手鈴隊。

仔講下佢嘅課外活動：

https://drive.google.com/file/d/1pnDUALwblb4NA8ulj7GEdqAc3-jue4Gf/view?usp=drivesdk

停不了的運動下棋練習：

成星期見唔到個仔讀書+做功課，每逢星期三星期四最誇張，因為我接佢放學，返到屋企第一時間沖涼然後就捉棋，食完晚飯之後，休息一陣睇一陣電視，然後喺梳化就瞓着咗。

我問佢點解咁攰，原來一日打四次波，三次籃球一次足球，除咗兩個鐘頭籃球訓練，小息、午飯、放學後時間都唔放過。

係學校就用曬啲時間就打波，點知返到屋企大量零碎嘅時間都係用嚟捉棋。

我終於忍唔住問仔：「乜你日日都無功課做既咩？又話中學讀書會好忙？」

仔「已經喺學校做晒啲功課啦」

我😮

我繼續擔心問落去：「咁最近有冇測驗默書？中英數乜嘢成績？」

仔「係喎，有份數測驗要簽名，我誤解左題目，答少咗啲嘢，唔係就全班第二高分」

我續「中、英呢？」

仔「唔記得了」

我😮😮「咁即係唔掂？」

仔「真係唔係好記得，中文默書好似9/11.. 英文作文每欄好似4、5分，每欄marking 滿分6。不過舊年滿分7，我拎過7，今年唔知點解無7分。」

我🤔「你知唔知前年kindle 你4百幾本書，今年你4十幾本書，相差十倍」

仔🤣「頭先同你睇咗個youtube : Don’t worry about reading more books, focus on reading better. 」

我🤨「最弊你未去到reading better既境界已經樂觀地進入reading less」

仔笑了⋯⋯

問返啲同學，原來都好多嘢功課做，唔通個仔真係咁有效率🤔

仲有半個月多啲，十一月中開始考試週或者叫評估週，真係搞得掂🤔🤔

睇遠啲：大學

學校入邊嘅University Fair - 有好多大學出席，香港英國最多，估唔到有澳洲西班牙加拿大美國，呢個唔詳細講，應該年年唔同

望遠啲，睇多啲，知多啲，生命只一次，美好青春，怎能荒廢～

我聽得好攰，只有興趣seminar3，所以叫咗個仔用幾分鐘簡單總結下倫敦帝國學院果部份如下：

https://drive.google.com/file/d/1bQuF7IOs4EXT2xEox7D-7nJ9nRWkhl5-/view?usp=drivesdk

試下用Spotify link, 方便D: 

https://open.spotify.com/show/2uWfqWiEAtrdVHIzfXAMxe

我淨係記得最尾個仔講咗句，「入Imperial唔難喎」，跟住我問佢點解，佢上網search 啲數據去支持，話佢學校IB 40分以上，今年60%，舊年70%。

我答：「你有信心就好啦。」

——

文字版：

今日我會講吓Imperial college 究竟係University Fair講咗啲乜嘢呀，咁首先呢佢呢就講左關於UCAS嘅野，UCAS係咩嚟嘅呢？咁呢佢就係一個網上嘅個網站，佢呢就係幫呢啲海外嘅海外唔係英國人嘅人就想去讀英國大學嘅人就可以幫我報讀㗎啦，咁首先呢你就要加五間學校啦，跟住呢你就你就要喺October 嘅時候，即係Imperial college嘅話，你就October 既時候應該要截止㗎喇，咁如果唔係呢你就冇咁勁嘅學校呢可能就一月先截止呀。

咁你搞完之後啦咁你大概三月嘅時候就有結果㗎，咁你四月同五月就準備返學㗎啦，如果入咗嘅話咁你要咩分數先可以入，imperialcollege、cambridge呢通常最低門嚟起碼都要有38分ib呀，跟住呢佢話通常呢40至42分係最好咁，咁佢點樣測試你嘅嘢啦，佢就話呢唔係淨係睇你嘅成績嘅，佢呢就要睇你嘅你嘅志向呀、你有咩目標呀、最重要就係你對呢個科目嘅興趣呀，佢最睇中嘅佢唔想你好似坐喺度聽講座，聽幾個鐘但係都冇興趣嘅，最主要係呢樣嘢，跟住呢佢就講到呢個UCAS上面好重要的元素，就係personal statement，一個四千字嘅文章，大約係47行嘅咁呢。

呢個UCAS  文章呢就係講到你有咩嘅關於你自己嘅自我介紹嚟嘅，咁佢就話你唔好寫得太多關於你平時學校嘅嘢呀、幾多分呀、幾多張獎狀呀，因為嗰啲其實學校已經知道㗎，咁要講啲可能嗰啲學校唔會知道嘢啦，跟住呢會send晒俾五間學校。

咁personal statement 呀都要講自己啦，唔好變咗personal statement唔係講自己咁樣啦，咁你要點樣先可以寫到一個好嘅personal statement 呢？咁一定唔好抄人哋嘅personal statement喇，係你係自己要寫嘅，唔可以抄人哋嘅，咁就唔係叫personal，咁呢個就唔係關於你自己，personal statement入面呢就一定唔好寫學校嘅嘢啦，咁咪寫多啲課外活動呀，特殊活動嗰啲咁嘅嘢，跟住呢你要寫多啲關於你自己啦，你有咩經歷令到你有呢個個科目入邊有咩skill，可能你玩過呢個活動學識咗領導能力等等啦，跟住呢你一定要揀啲係關於係令到佢最好嘅個statement嚟嘅，即係揀個最好嘅例子唔好揀一個ok 嘅例子，咁咪可以喺最少字寫到最多嘅意思。

咁呢佢有教你點樣寫personalstatement嘅，有四個step今日寫你嘅academic interest啦，你對呢個科目嘅興趣啦，跟住呢你就要寫點解你會揀呢間？你要揀UK University 呀？你嘅動力呀？點解你會揀邊個科目呀？跟住你嗰啲你嗰啲課外活動嘅經驗嘅。

跟住你入咗personal statement之後呢，佢有個admission test嘅，即係好似一個interview咁樣嘅，咁呢佢佢就會interview下你嘅溝通技能呀，你嘅了解你多啲呀，可能你未講到嘅嘢，佢就會問你呀，咁樣嘅知道你多啲嘢啦，咁通常就喺11月至到3月就有interview 嘅。

咁呢佢就係呢個係講嘢嘅interview嚟㗎啦，佢就同你討論嘅，唔好緊張，你唔緊張唔使緊張其實，跟住呢你要點準備呢，你知唔知道你會畀人問啲咩呀，跟住你要你要睇好人哋可能會問啲咩你就可以揀定你要答嘅答案呀，跟住你一定要準時到呀，你可以做多啲資料準備呀，你就得㗎喇，唔使咁緊張你會唔會做得好嘅，又或者會識曬所有嘅答案嘅。

「佢話你一定識唔曬所有嘅答案喇，唔係所有問題都會係畀你有答案嘅。」

同埋唔好已經準備好嘅講嘢，真係

「唔好講稿個咁樣」。

咁咪唔好㗎喇，要測試到你嘅技能嘅，就係咁多啦。