昨天與一個舊同事吃飯，他中五畢業後因為成績嘅問題不再升學，他吸引我嘅注意的不是他很勤力和熱心幫助同事，而是他十分專心鑽研自己嘅興趣。
畢業後他找到自己當時的興趣：日文。在工餘時間，他不斷進修，最後考到最高級別嘅一級（日文考試分為１級、２級、３級、４級和５級五個級別。１級為最高程度。）
當時的他，順理成章地轉到一間日本公司工作，人工三級跳，也找到一個可愛的老婆，結婚後也有兩個可愛的小朋友，人生似乎係一帆風順事事順利。
可惜日本文化熱潮嘅退卻，韓國文化嘅興起，他工作的日本公司不斷裁員，最後他也失業了。雖然他最後也找到另一間日本公司工作，但人工大幅下跌，生活迫人，最後因為可以多兩千蚊人工轉去另一間港資公司工作，正式地跟他常引以為傲的日文畫上句號。
為咗小朋友既生活，他還繼續奮鬥培養另一種專長，在星期日放假時兼職幫人驗新樓，他很高興說已經完了15個新樓嘅單位，希望可以累積100個單位嘅經驗，自己又可以成為一個有經驗嘅師傅，或者有機會成立公司繼續這份專業。
講到底，其實呢啲門檻咁低係人都做到嘅一技之長，希望佢可以明白，如果佢冇能力加以改進，精益求精，佢將來嘅生活可以預計到繼續迫人。
希望佢嘅勤力與態度可以令佢好運。
